Home Politica Anselmo Pontilus: Candidato pa Vakminister

Anselmo Pontilus: Candidato pa Vakminister

1
0
SHARE
- Advertisement -

ORANJESTAD (AAN): Lider di fraccion di RED, Rudy Lampe tabata tin conversacion cu sr. Anselmo Pontilius y den e encuentro aki sr. Pontilius a duna di conoce cu e ta disponibel pa sirbi nos Pais Aruba como vakminister e momento cu un partido politico haci apelacion riba dje. Sr. Pontilius ta un personalidad respeta den nos comunidad cu no ta mara na ningun partido politico.
Sr. Pontilus tampoco ta miembro di RED y ta pesey mes nos lo haci un apelacion riba su servicio como vakminister ora nos carga responsabilidad gubernamental. Partido RED ta acerca profesionalnan cu no ta vincula cu partido RED pa sirbi nos pueblo como vakminister.
Husto esaki ta un di e tantisimo cualidadnan di sr. Pontilius. Pa hopi tempo e tabata e lider sindical mas destaca di Aruba y semper a evita di mezcla su trabao sindical cu algun color politico. E ta conosi como un persona cu ta ‘constructor di brug’ entre diferencianan aparentemente irreconciliabel. Sr. Pontilus a laga un bon nomber atras tanto den gremio sindical como den gremio comercial y esaki ta un logro inmenso. Poco hende tin e cualidad aki di por reconcilia dos partinan den un conflicto di interes asina cla. Gobernacion di Aruba mester di un persona asina cu ta bay goberna a base di dialogo cu tur gremio.
Sr. Pontilius ta comparabel cu Presidente Lula di Brasil. Presidente Lula su trajectoria a hibe di trahador humilde te di a bira e lider sindical mas conosi di su pais. E tabata sa di defende e interes di e clase trahador tur momento y ora cu e a bira Presidente e no a traha pa e clase trahador so. E a logra convence tur gremio commercial y interesnan economico financiero internacional cu un gobernacion mester combati pobreza y na e momento aki Presidente Lula ta respeta den henter comunidad internacional. Sr. Anselmo Pontilus tambe ta goza di prestigio internacional. Organismonan manera ILO, CLAT, CARICOM, tur tin un respet inmenso pa sr. Pontilius su persona.
Un personalidad manera sr. Pontilius como vakminister lo duna Gobierno di Aruba e prestigio internacional necesario. Un personalidad manera sr. Pontilius como vakminister lo ta e orguyo pa tur sindicato di Aruba. Un personalidad manera sr. Pontilius como vakminister lo ta instrumental pa promove e Dialogo Nacional tan desea. Decisionnan clave mester cai den futuro cercano pa loke ta fondo di pensioen AOV, AZV, fondo di pensioen general pa tur trahador y otro leynan laboral. Y solamente por tuma decisionnan asina a base di dialogo cu tur gremio. Sr. Pontilus a logra caba di yuda crea un fondo di pensioen pa un grupo grandi den sector hotelero.
Sr. Pontilius conoce manera su planti man e industria turistico di Aruba. Den e momento critico aki pa nos industria turistico y tambe mirando e aumento di desempleo y e inseguridad cu ta reina bao di e clase trahador, sr. Anselmo Pontilius como vakminister di Turismo, Labor y Asuntonan Social ta the right man on the right place.

- Advertisement -

DUNA COMENTARIO

Please enter your comment!
Please enter your name here