Home Politica Aparentemente, tin campañador di MEP ta bishitando misanan Cristian!

Aparentemente, tin campañador di MEP ta bishitando misanan Cristian!

1
0
SHARE
- Advertisement -

Pa desacredita e moralidad di AVP:
Pero nan ta sconde nan intencion di obliga Aruba pa su independencia!
ORANJESTAD (AAN) – Lider di un Misa Cristian a acerca DIARIO pa conta nos cu awor a para bira cu tin campañadornan di MEP cu ta bishitando Misanan Cristian, aparentemente, pa desacredita e partido AVP y su moralidad.E personanan cu ta dirigi un Misa Cristian, ta parce cu ta worde bisa cu AVP lo bay introduci na Aruba diferente ley vigente na Hulanda, entre otro, casamento entre personanan di mesun sexo.
Cu otro palabra, e hendenan aki den nan desesperacion cu AVP ta ganando hopi tereno y cu cada bez tin mas y mas prueba di corupcion di MEP ta sali afo, nan kier uza e Misanan Cristian pa invadi nan cu mentira y instigacion. Nan no ta respeta ni e buki Sagrado, esta e Santo Bijbel, cu nan ta usando pa nan campaña di descredito contra AVP.

Nos fuente di informacion mes tin lazonan familiar cu hendenan di MEP, y el a haya sa cu si e partido geel bolbe goberna, nan tin pensa di start un guera frio cu Hulanda, te ora nan logra pa pueblo Arubano worde obliga pa opta pa su independencia, anto e ora ey MEP haya poder absoluto riba nos poblacion.

Asina aki e passport Hulandes cu nos tur tin ta na peligro. Esaki ta algo cu e lider Cristian aki no por permiti, mirando cu como misionero e por drenta tur caminda di mundo cu Passport Hulandes, incluso den paisnan cu Mericanonan mes no por drenta sin visa.

Pesey, e kier alerta e Misanan Cristian cu ta worde acerca pa hendenan di MEP, incluso e tin entendi cu un ministro di e gobierno aki mes ta cana kibra den e misanan aki, pa no bay tras di loke nan ta papia.

No mester duna MEP ni cualkier otro partido cu por tin e pensamento aki, chens pa Aruba worde obliga na tuma su independencia. Mientras nos pais sigui den Reino Hulandes ta hopi e beneficionan cu nos tin mientras cu si Aruba bira riba su mes, por perde hopi mas cu gana algo. Pa motibonan obvio e identidad di e lider Cristian ta keda pa nos redaccion.

- Advertisement -

DUNA COMENTARIO

Please enter your comment!
Please enter your name here