Home Deporte Apertura di Campeonato di Baseball Tournament 8U 2009

Apertura di Campeonato di Baseball Tournament 8U 2009

2
1
SHARE
- Advertisement -

baseball1ORANJESTAD (AAN)— Diasabra atardi pa anochi a tuma lugar e apertura di e torneo di Baseball Infantil den e categoria di 8U na Flatstone Ballpark. Mester bisa cu tabata un atardi placentero pa unda cu mayornan a yega na gran cantidad pa presencia e desfile cu tabata basta colorido. E Compania di seguridad celebrando 10 aña di existencia na Aruba a organisa e campeonato aki pa e muchanan por hunga baseball cu nan uniform bunita y colorido.

Durante e programa a toca basta puntonan di importancia pa cu nos juventud, segun Sr. Francees director di Benjamin Security, Aruba ta ser azota cu ladronicia dia pa dia y e compania ta mira e necesidad pa inverti mas den e futuro adultonan di Aruba, cu lo mester percura pa e pais aki sigui desaroya pero cu hopi seguridad.

baseball2E cuerpo di Umpire ALLU tambe tabata presente y a desfila, ALLU lo ta e cuerpo oficial di henter e campeonato aki y nan lo zorg pa tur e weganan cu lo mester tuma lugar cual lo ta 28 wega pa e luna di september benidero.

Sra. Rubia Ras lo ta e scorer oficial pa e campeonato aki. Un danki ta bai pa Sr. Riley Mercalina y Sra. Juliette Werleman cu incansablemente ta dunando hopi di nan tempo liber ta yuda na veld, y tambe tur e managernan y colaboradornan cu a hasi e evento aki exitoso, y e staff di operacion di Benjamin Security Services N.V.

E weganan lo sigui Dialuna te cu Diahuebs na Benjamin Security Mini Ballpark na Piedra Plat, pa 4’or y 5:20 di atardi, lo tin dos wega tur atardi. Aruba completo ta keda cordialmente invita pa pasa atardi na veld y disfruta di bon baseball cu e futuro big leaguernan aki ta duna nos como espectaculo.

- Advertisement -

1 COMMENT

  1. IX Mundialito Criollitos de América. Awe pa 3:00 p.m. Aruba lo hunga awe contra Venezuela. Lugar: Estadio Chuito Torrens, Juangriego, Edo Nueva Esparta. Suerte pa tanto arubianos como venezolanos.

DUNA COMENTARIO

Please enter your comment!
Please enter your name here