Home Deporte Aruba Jrs. ta campeon di West Division di Liga Mayor

Aruba Jrs. ta campeon di West Division di Liga Mayor

2
0
SHARE
- Advertisement -

basebal1Kenro Vets ta campeon den East Division di Liga Mayor
ORANJESTAD (AAN)— Kenro a clinch e campeonato di East Division y Aruba Jrs. L.G.a clinch e campeonato di West Division Diadomingo ultimo. Sub-campeon ta Astros Budweiser den East Division. Nos ta felicita Surprise Balashi Organization cu a organisa e campeonato di East division sublimemente. Den West Division organisa pa Aruba Jrs. e sub-campeon no ta conoci ainda pa motibo cu por tin un triple empate.


Diadomingo awor e wega cu a para pa motibo di yobida dia 23 di Augustus entre di La Moderna Sluggers y Kibaima a.i.s. ta sigui. E posibel triple empate ta entre di Valero Boomerang, Racqueteers y Kibaima.

Valero tin 3 wega gana y dos perdi. Racqueteers tambe tin 3 gana y dos perdi. Kibaima ta dos y dos. Den caso si Kibaima gana Sluggers Diadomingo awor nan tambe lo ta di 3 gana y dos perdi. Den e caso ey average di careda lo conta.

Pero si Kibaima perde, Valero lo bai pa e puesto di sub-campeon West Division. Asina ta cu tur tres team tin e posibilidad ainda di clasifica. Un pabien grandi na Kenro Vets campeon di East Division y Aruba Jrs. Gerry’s Refricenter/L/G. campeon di West Division.

Weganan pa Diadomingo awor na Aruba Jrs. Ballpark ta como lo siguiente: 9:30 a.m. La Moderna Sluggers vs. Kibaima a.i.s. 11:00 a.m. Hala Weso Boys vs. Guerrero Boys. 12:30 p.m. wega amistoso entre Aruba Jrs. L.G. vs. Infinity Classics (Wara-Wara).2:00 p.m. wega amistoso y 4:00 p.m. wega pa campeon di Damas

“Copa Clasico Luis swaen 2009” entre di Splash Girls cu a clasifica invicto y lo bai contra di Sprite Angels cu 2 gana y un perdi pero cu averahe di careda na nan fabor. Esaki lo bai ta un candeloso partido.

E weganan final entre di East y West pa campeon di Aruba lo ta Diadomingo otro siman dia 27 di September pa 12:30 p.m. entre Kenro Vets y Aruba Jrs. L.G. E wega pa tercer lugar lo ta pa 11:00 a.m. entre di Astros Budweiser y e resultado di Diadomingo awor 20 di September.

Naturalmente lo bai tin 3 wega mas cu ta amistoso organisa pa Aruba Jrs. Masters. Diadomingo awor lo bai tin bon musica, cuminda di lama y otro variacionnan di cumindanan sabroso y premium bar na gusto di tur.

- Advertisement -

DUNA COMENTARIO

Please enter your comment!
Please enter your name here