Diasabra awor ta tuma lugar e Best of the Best Power-Ade Cup, organisa pa Brazil Taekwondo Stichting na Centro Deportivo Playa.Den e anjanan nobenta (‘90) tempo di Savaneta Taekwondo Stichting cu ta Brazil Taekwondo Stichting awe, tawata organisa caba e Best of the Best Power-Ade Cup. Alberto Klaber kende a pone un man bek pa juda promove e deporte di Taekwondo y ponele bek ariba su nivel cu e tawata tin a bin cu e plan for di anja pasa December 2008. Unda cu Brazil Taekwondo Stichting lo organisa 3 campeonato local y e mihornan lo wordo escohi pa representa nan scol den e Best of the Best Power-Ade Cup contra e paisnan International.
Na December 2008 ora cu Alberto Klaber tawata na Europa enbusca di sneeuw e la tuma contacto cu Sr. Henk Meijer pa asina e por ta parti di e evenemento di e Best of the Best Power-Ade Cup atrobe cu sin duda Sr. Henk Meijer a acepta e petition di Alberto Klaber. Sr. Henk Meijer tawata presente na 1995 na e Best of the Best unda cu Sr. Henk Meijer a duna un tremendo demonstration unda cu Sr. Leo Vrolijk a gana e best foto shot di e Anja pa e bunita potret cu e a saca, unda cu Sr. Henk Meijer a scop un beeker for di un atleta su cabez sin mishi cu e atleta.
E tempo ey e Campeonato a tuma lugar den Marinierskazerne y e anja aki e lo ta na Centro Deportivo Playa ( Colegio Arubano su Gymzaal). Sr. Henk Meijer ta e unico persona na Mundu cu a gana un Koreano durante e campeonato mundial na 1985 cu un knock out na su mesun pais esta Korea. For di e momento ey a bin un democrasia den e deporte di Taekwondo na Mundu. Sr. Henk Meijer a ricibi tur sorto di oferta for di Merca pa bai traha pelicula, pero e la dicidi di keda Hulanda y sigui promove e deporte di Taekwondo na Hulanda. Awendia Sr. Henk Meijer ta Coach di Australia. Sr. Henk Meijer a biaha rond mundu cu su show di demonstration y cu su clinica di Taekwondo. Diahuebs dia 1 di Oktober Sr. Henk Meijer lo ta na Aruba pa 10 dia, unda cu e lo duna clinica.
Mirando e interes di e Best of the Best Power-Ade Cup ’09 Surinam y Curacao a selecta nan mihornan pa ta parti di e evenemento aki. Cedric Meulens di Olympia a manda su team di 5 atleta kende ta atletanan di primera clase pa bin bringa na Aruba. Osama Alyamoor di Curacao ta un di e atletanan cu a participa den e Adidas Cup y Ultimate Cup na Aruba, unda cu e la planta respet na Aruba. Wel wel, den e Best of the Best Power-Ade Cup Osama Alyamoor lo enfrenta Rafael Lasten di Caribbean Taekwondo Institut bow encargo di Sr. Moises Fernandez kende a prepara Rafael Lasten bon bon pa Osama. Locual Osama Alyamoor no sa e lo hanja sa diasabra anochi awor, cu Rafael Lasten ta cla pa cualkier hende. Aruba kende tawata lastra Curacao den Taekwondo asina mahos, a pone Curacao busca un trainer Mexicano pa juda crece nan Taekwondo su nivel cu tawata tin su resultado. E anja aki nos por a wak con bon e atletanan di Curacao tawata durante nos Adidas y Ultimate Cup. Curacao a pone Aruba frega cabez so, esey tawata na comienso di anja. Un caminda tin 2 direction y awor nos ta bayendo bek ariba. Awor Brazil Taekwondo Stichting tin un trainer Mexicano licenciado kende tin un trainingsplan pa su mienbro nan cu a cuminsa cambia e ruta di e caminda. Esaki ta djis e comienso di e plan di Brazil Taekwondo Stichting.
Osama Alyamoor cla pa Aruba
Ademas di Osama Alyamoor for di Curacao, ta bai bin Gilson Lourens, Gilbert Sambre, Nathan Sambo y Quicy Sambo. E taem aki ta un team nobo cu lo representa Olympia di Curacao na Aruba.
Best of the Best Power-Ade Cup ta e maximo competencia aki na Aruba pa su calidad di peleanan cu lo bai tin. Mirando cu Leonad Janga ta un di e atletanan cu semper a resalta den campeonato e anja aki ta bin ta demonstrando cu e ta cla pa cualkier hende y a mustra esaki tambe den tur su combate nan.
Ariba e Poster ta djis un di e potret nan saca di un bon combate di Leonard Janga.
Aki por mira Leonard Janga den contra atake.
E anochi aki Leonard Janga lo kita e dak di Centro Deportivo Playa. Estrella di Santa Cruz ta bai baha masalmente pa apoya nan Leonard Janga. E Suriname Chines Junlin He ta bai tin su man nan yen yen cu Leonard Janga. Leonard ta conosi pa pone su contrincante nan pidi pordon. E motor di Leonard Janga no ta paga, mirando e abilidad di Leonard Janga. Nos no sa kiko e trainer Marcelino Roberts di Estrella ta haci, pero e ta haci un cos bon aya na Santa Cruz cu Leonard Janga.
Mas den siman nos lo amplia mas ariba e resto di atletanan di e 10 Taekwondo scol nan di Aruba y nan preparation. Brazil Taekwondo Stichting tambe tin 3 atleta cu lo competi, kende ta Aischal van der Linde, Clifford Rasmijn y David Lont kende ta cla pa e Best of the Best Power-Ade Cup 2009.
