Home Social Aruba Tourism Authority a certifica staff completo

Aruba Tourism Authority a certifica staff completo

5
0
SHARE
- Advertisement -

“ATA ta aplaudi e iniciativa di e Gerencia di Gandelman pa yuda mehora y engrandece e servicio den e industria turistico di nos isla”

Gandelman 1ORANJESTAD (AAN): Recientemente Aruba Tourism Authority (ATA) a duna e ‘Aruba Certified Expert’ training na tur e empleadonan di Gandelman. E occasion aki tabata sumamente especial tanto pa ATA como pa Gandelman, ya cu Gandelman ta e prome empresa priva na Aruba cu a tuma e iniciativa pa laga su trahadornan worde certifica como expertonan di Aruba.
ATA ta di opinión cu tur empleado den sector priva cu di un forma of otro ta atende cu turista tin un rol importante den mantene e calidad halto di e producto “Aruba” cu nos ta ofrece na nos bishitantenan.
Uniendo obhetivonan: Na momento di duna servicio na nos turistanan no solamente nos mester zorg pa duna un excelente servicio pero tambe ta di suma importancia pa tur trahadornan ta bon informa ariba tur aspecto cu Aruba tin di ofrece su bishitantenan y tambe pa e información cu nan ta duna ta consistente. Directiva di Gandelman ta comparti e opinión di ATA. Gandelman ta un compania cu ta represente marcanan renombra y cu ta conoci pa duna un excelente servicio na su clientela. Di e manera ei Gandelman ta contribui na mantene e calidad halto di e producto “Aruba”. Pa asegura e continuación den e excelente servicio cu nan ta duna nan clientela, Gandelman continuamente ta duna training na su empleadonan.
Aruba Certified Expert: Como parti di su programa di consientizacion pa e comunidad di Aruba, ATA ta ofrece e seminario aki pa tur persona of compania cu ta interesa den educa nan personal y especialmente motiva nan pa nan ta bon informa y pa nan compronde e importancia di duna información consistente den cualkier momento cu un turista aserka nan. Den e cuader ei e training di ATA tabata totalmente den linja di e philosofia cu Gandelman tin, esta pa duna tur bishitante na nan tiendanan un experiencia inolvidable y di e manera ei contribui na un imagen mas professional y servicial di nos isla, loke ultimadamente ta beneficia nos tur. Otro topico cu tambe a worde enfatiza ta e bon servicio. Aki e oradornan a duna varios ehemplo di con un sonrisa y un actitud positivo por haci un diferencia grandi. E seminario a consisti di dos ora y mei di presentacion cu a cubri tur e diferente informacion importante cu tur persona trahando den e sector turistico mester sa y na final e grupo a haci un test pa asegura cu tur a conpronde tur e diferente topiconan.
E training a worde duna na 4 grupo di empleado y tur training a worde concluí cu un test y cu e entregamento di e certificadonan.
E ehecutivo nan di ATA cu a duna e diferente training nan tabata entre otro Srta. Sjeidy Feliciano, Señora Nathalie Maduro, Sr. Mario Arends y
Sr. Rayon Koolman, kende nan a keda sumamente satisfecho y contento cu e interes cu a reina durante e seminario nan di parti di e empleado nan di Gandelman, kende nan a duna varios puntonan importante y comparti nan experiencianan diario cu e turistanan. ATA kier a gradici Gandelman pa e oportunidad unico aki y nan ta spera cu e initiativa di Gandelman lo stimula mas empresanan priva pa certifica nan empleadonan como expertonan di Aruba y di e manera aki contribui na hisa e calidad di e producto ‘Aruba’.

- Advertisement -

DUNA COMENTARIO

Please enter your comment!
Please enter your name here