Home Social Autor Quito Nicolaas na Hulanda…

Autor Quito Nicolaas na Hulanda…

1
0
SHARE
- Advertisement -

simposiolitera2Arubiano lo hiba palabra na symposio Internacional di Literatura
ORANJESTAD (AAN): Dia 19 di september lo tuma lugar un symposio internacional na Amsterdam encuanto Novelanan historico y esclavitud. Ta bay tin diferente oradornan di exterior y di Hulanda kende lo hiba palabra. Entre otro Michiel van Kempen lo papia over di e tema Historische romans en het Trans-Atlantische slavernijverleden, Lucia Nankoe lo trata Historische romans en de Franse strijd, Ernst Peppin lo papia over di Historical novels and Slavery History,

 Cyntia McCleod lo trata e tema Het gelijk van de lezer en het gelijk van de schrijver y Suzanne Diep kende lo papia over e tema Publishing Historical novels that deals with slavery history
E conocido autor Arubiano Quito Nicolaas tambe a ser invita pa hiba palabra durante e symposio aki.

E tema cu e lo abarca ta Historische romans: beeldvorming en de strijd om de lezers. Den su charla e lo indica e desaroyonan cu tabata tin na Estados Unidos, den Caribe y na Aruba & Antiyas riba tereno di literatura cu ta toca esclavitud.

Referiendo na e literatura Arubiano y Antiyano e lo haci un distincion entre esnan na biba Aruba of Antiyas y esnan residencia na Hulanda. Pa cu esaki e lo analysa minuciosamente algun obra literario di autornan Arubiano y Antiyano.

Acerca e lo toca e aspecto di Imaginacion cerca e escritor y lector cu e novelanan historico aki ta trece cu ne. Tambe e lo acentua con awendia den literatura postmodernismo bo por hunga cu e realidad.

Pues no ta necesariamente cu bo mester mantene bo mes stricto na e hechosnan historico. Den esei e lo referi y trata diferente autornan Latino America, manera Mario Vargas llosa y Gabriel Garcia Marquez kendenan ta haci uso di e tecnicanan aki di postmodernismo.

Por ultimo e lo trata e aspecto con escritornan ta haci pa gana curason di nan lectornan y con pa haya un parti di e mercado di literatura. Con por ehempel cierto tecnicanan ta ser aplica pa gara e atencion di e lector.

Netamente pa crea un cierto emocion of desgusto cu un personahe den e storia. Di otro banda tambe con e lector tin un gara riba e escritor. Den esei e lo ta tratando cierto cuestionnan delicado cu te ainda ta dificil pa tin critica riba dje. E ta un entercambio y un wega entre escritor y lector.

- Advertisement -

DUNA COMENTARIO

Please enter your comment!
Please enter your name here