Home General Awe DIARIO ta lanza su portal Online di Eleccion

Awe DIARIO ta lanza su portal Online di Eleccion

7
3
SHARE
- Advertisement -

portalORANJESTAD (AAN): Faltando 10 dia pa eleccion 2009 tuma lugar na Aruba, awe Matutino DIARIO ta lanza su “portal di eleccion”, riba su edicion di DIARIO Online.E pagina special aki di Eleccion 2009, ta pa duna informacion na tur esnan na Aruba, como tambe den exterior, encuanto e eleccion di 25 di September venidero. Su adres ta: www.diario.aw/eleccion2009
E seccion special aki di Eleccion 2009, ta bira un solo lugar pa haya sa tur cos di eleccion, candidato, nan pensamento, y tambe resultado riba e anochi di eleccion.


DIARIO Online ta compromete su mes pa suministra cobertura politico cu ta informativo y usable. E seccion aki ta util no solamente pa esnan residencia na Aruba mes, sino tambe pa lectornan rond mundo cu ta sigui Eleccion 2009 di Aruba hopi di cerca.

Tumando na cuenta e dinamismo di Internet, mas cu claro e seccion aki ta yuda esnan cu ta buscando informacion di cada partido politico, pa haya e mihor detaye pa nan keda bon informa.

Fuera di esaki, bo por participa na un encuesta no-cientifico tambe pa bo deposita bo voto online, y check con e resto di comunidad ta votando. Mas cu claro, cada partido politico por manda detaye, foto, y informacion di nan grupo pa asina e seccion aki ta mas up-to-date.

Bishita e website aki awe, y contribui tambe na enriquece e spectrum di informacion politico di Aruba.

- Advertisement -

3 COMMENTS

  1. Hopi danki Diario-Aruba/Internashonal cu inagurashon di Portal http://www.diario.aw/eleccion2009 pa nos tambe cu ta leu for di cas por ta na altura di e desarollonan “LIBERASHON” di Aruba for di mannan sushi di e pandiya di corruptonan di MEP!

    Si no tabata pa Sr. Jossy Mansur director di Matutino DIARIO kon nos leu for di cas por ta na altura di e “LIBERASHON” di nos Aruba Dushi Tera?

  2. Hopi Hopi danki Señor Jossy Mansur mi ta aprecia Señor Mansur masha hopi mes pa tur kos ku Señor Mansur ta hasi pa nos Aruba i mi ta mira Señor Mansur como nos baranca stima ku no tin nada pa kibre !!! Danki Diario Aruba!!!

DUNA COMENTARIO

Please enter your comment!
Please enter your name here