Home General ULTIMO ORA: AZV no kier duna placa mas y mucha a fayece

ULTIMO ORA: AZV no kier duna placa mas y mucha a fayece

1
9
SHARE
- Advertisement -

babyAZV no  kier a coopera pa traslado urgente di Barranquilla pa Bogota
ORANJESTAD(AAN): Ainda por corda con riba un 18 di Juli un criatura inocente a sali for di Aruba cu destino Colombia. El a ser hiba Barranquilla cu urgencia na momento cu su situacion a empeora den hospital na Aruba. Un mucha cu a yega hospital canando awe ta drumi riba cama sin por move.El a cay for di un hamaca na momento cu e tabata hungando cu su ruman na Paradera.  UPDATE:  Den oranan di merdia, informe a drenta cu e mucha a fayece.

Tabata su mama cu a para na un conocir pa e muchanan mira algun bestia cu ta ser cria n e cas. Den hungamento e mama a haya su yiu benta abao y contrario na otro biahanan e no tabata yora. Nan a bay cas unda te hasta e criatura inocente a baña pero el a cuminsa sinti su mes malo.
Despues cu el a yega hospital a tene pa observacion pero su situacion a empeora te bira critico.
A dicidi cu ta mande Barranquilla unda e ta te awe. Awendia e criatura aki ta na bida, na tino pero invalido. El a bin nek na tino.

E ta papia cu su famia. E tata a bay cune den Colombia y e famia a bay tope eybao. Nan ta bay haci dos luna na Colombia. E problema cu nan tin ta cu e mucha no por haci nada. Di dia cu el a bay Colombia el a keda riba cama.

E neorologo cu ta cuidando e mucha a papia cu e mayornan y a splica cu el a haci tur loke e tabata por. Mas cu esey e no por. Awor el a conseha famia pa traslada e criatura inocente pa Bogota unda eynan tin e cuido mas profesional di coleganan. Pa logra esaki AZV mester paga. Algo cu awor a bira un dolor di cabez pa e famia.

DIARIO tin informacion cu e mama di e mucha cu ta malo a bula bin Aruba caba parce pa bay reuni cu AZV y mira con por convence nan pa hiba nan yiu Bogota. AZV ta para ariba cu nan no tin mas placa. Esaki tin e famia basta disgusta e momentonan aki.

Aunke e famia ta contento cu nan yiu ta na bida tog nan deseo mas grandi ta pa nan yiu cana back. Awor e ta totalmente inmovible. Dios yuda e famia aki sperando cu AZV reconcilia nan decision y manda e criatura inocente aki pa Bogota pa asina e profesionalnan medic o mas avanza logra trece e mucha back den su bida normal.

UPDATE: Diahuebs den oranan di merdia, e lamentable noticia a drenta cu “tempo a caba”, y e mucha a fayece.  E no a haya e trato avanza y specializa na Bogota pasobra keto bay e tabata pega na Barranquilla, y a fayece.  Mas detaye den edicion di Diabierna di DIARIO.  Condolencia na e famianan.

- Advertisement -

9 COMMENTS

  1. Ta tristo ora bo lesa sorti cosnan asina. anos mes a disidi di bin biba afo pa e salud di nos yiu y bo ta bisa tristo hopi tristo pa un arubiano mester laga su luga pa e lage nivo di e tratamento medico y cu un AZV cu ta pensa ariba plaka y no salud di un ser humano y vooral un criatura.

  2. Condolencia na famianan. Tin un otro baby tambe di 4 luna na Bogota cu tambe a wordo nenga tratamento.E mama ta luchando pa por paga pa salud di su jui.E baby aki tin problema cu curason y a hasi dos operashon grandi caba na Bogota.

  3. Tristo tristo esaki por tawata bo jui, pirima, nieto, ruman. Arubaianonan habri wowo i no vota pa MEP. Esaki ta resultado. Pober criatura. Condolecia na su famia

  4. Condolencia na e famia cu e perdida grandi aki. Pueblo ban stop di pleita politiek cu ta coi kens, wak pa esun cu sinta traha pa e pais Aruba y stop di traha pa nan famia y friendsnan, pasobra tur cu sinta te mesun historia. Bos por siña hopi di Hulanda, pika cu nos Arubiano nan no por biba riba nos mesun lugar pa fia cu plaka ta prome cu tur cos.

  5. CONDOLENCIA NA E FAMIA NAN…..Y NA E DESGRACIADO NAN DI AZV CU TA HACI MANE COS CU E PLAKA DI AZV TA SALI DI NAN SAKO….CLARO MAS PLAKA NAN SPAAR NA AZV DUS E DESGRACIADONAN EY MAS BONUS NAN HAYA FIN DI ANJA….MI TA SPERA TUR E CEN NAN EY CU BOSO TA SPAAR BOSO DISFRUTA GRANDEMENTE DI DJE….

    YIU DI …NAN

  6. Paseporcuba: Te informo que en Caracas hay un centro cardiologico infantil que presta sus servicios completamente gratis, no unicamente a vlzanos sino a todos que lo necesitan. Hasta tiene apartamentos donde los padres se pueden alojar tambien sin pagar ni solo centavo. Mi condolencia na e famianan. Mama pone bo curazon den man di Dios pasobra nos tur sa cu bo dolor ta grandi.Dios bendishona bo.

DUNA COMENTARIO

Please enter your comment!
Please enter your name here