ORANJESTAD (AAN) — Diabierna anochi a tuma lugar e apertura di e Campeonato 2009/2010 Setar N.V. Division Honor, na Compleho Deportivo Guillermo P. Trinidad. E anochi a cuminsa cu desfile di e dos team nan cu a mester a enfrenta otro e anochi ey, kende nan ta e Campeonnan di e anja anterior, esta S.V. Britannia contra di e Sub-Campeonnan S.V. La Fama. Después cu e Himno di Aruba a ser canta pa srta. Debbie Werleman a bai over pa sace di e prome bala, cual a ser haci pa Jimmy Richardson, kende ta un di e personanan cu e Campeonato aki a ser dedica na dje. Despues a inicia e prome partido di e Campeonato entre Britannia y la Fama, cual a termina cu score di 2-1 pa Britannia.
Un wega cu a cuminsa den e prome tempo hopi duro.
Tabata tin un momento cu un hungador di La Fama a purba di kita e bala for di Dedo di Britannia, pero ta parse ta manera ta su pia e kier a kibra, envez di purba kita e bala. Asina tambe carchi geel a cai sin tabata tin mester.
Después ta e keeper di La Fama a ser saca for di wega, ora cu referee principal di e wega, esta Rudy Angela a fluit un carchi cora ora cu e keeper Werleman ta sali for di su gol y bin purba di coi e bala, pero tno ta logra y ta bai dal casi frontal cu e delantero di Britannia, esta Marlon y ta lage keda benta riba tereno.
Faltando algún minuut pa bai descansa, a tuma lugar un hugada di cual e fanatico nan di La Fama no a gusta masha, y a cuminsa reclama e referee pa locual cu e la canta. Y según boso sirbidor por a comprende for di hende nan cu sa di regla di futbol, ta cu e momento ey tambe mester a cai un Carchi corra y no geel.
Esey a pone cu e wega a manera para un rato y e fanatico nan tur rabia a cuminsa dirigi algún palabra nan masha malo mes na e dirigente di e referee nan, esta Sr. Frans Dijkhoff, y según boso sirbidor cu esey no ta bon pa haci ora di weganan asina.
Si bo tin algo di reclama e persona, b osa na unda pa hanje anto bai reclame ey nan of si b osa su number, jame. Pero no haci e cos nan ey mas, corda cu tin mucha tambe ta bai wak wega y esey no ta bon pa nan wak.
Asina tambe prome tempo a bin termina cu e score 0-0. Di dos tempo e wega a sigui mescos, tur dos team ta yega te dilanti di gol, pero no ta hanja e oportunidad di score. Te na di 76 minuut di wega Mark Mackay di Britannia ta bin score e prome gol di wega pa asina haci e wega 1-0 pa Britannia.
Na di 90 minuut di wega ora cu tur e fanatico nan presente e kere cu wega a termina, ata Gregory “Dedo” Lake ta bin anota un gol mas pa su equipo y ta haci e wega 2-0 pa Britannia y ta bai cas cu un bon victoria.
E anochi ey e team di La Fama tabata tin algún carhci geel cu a bai pa no: 11 Fransley de Cuba na di 13 min y pa no:2 Rodymar Paesch na di 74 min. Cora pa no:20 Joel Rodriquez na di 90 min. pa bringamento. Pa Britannia a ricibi geel no: 22 keeper Arthur Werleman na di 48 min y cora pa no:7 Alejandro de Lange na di 90 min pa tira mokete.
Opstelling di Britannia den Goal Arthur Werleman, den defensa Raymond Tromp, Junel Sanchez , Carlos Geerman y Rolston Jeffrey volantenan ,Giovanni Thode, Gregory Lake, Yefrin Rojas, Mark Mackay , delantero Marlon Andrea y Glenroy Lake.
cambionan ta sali no: 29 Jeffrey Rolston na su lugar ta drenta no: 12 Derwin Donato, ta sali no: 19 Yefrin Rojas y ta drenta no: 2 Regilio Kartoredjo, ta sali no: 14 Glenroy Lake y ta drenta no: 7 Chando de Lange.
Opstelling La Fama den goal no: 1 Jefrrey Werleman kaarchi cora na di 28 min ta drenta na su lugar no: 30 Joaquin Ras despues cu no: 11 Fransly de Cuba ta sali. Den defensa, Denrick Werleman, Igmar Gijsbertha, De Cuba Fransley y Rick Engelbrecht, volantenan Rigmar Lodowika, Joel Rodriquez y RodymarPaesch delantero nan Lionel Tromp, Jean Carlos Ras y Jermeen Robert, cambionan ta sali nO; 11 Fransley de Cuba y ta drenta no: 30 Joaquin Ras, ta sali no: 10 Jermeen Robert y ta drenta no: 24 Ryan Seintje, ta sali no: 15 Rigmar Lodowika y ta drenta no: 10 Lesley Felomina. DIARIO Deportivo kier a felicita S.V. Britannia y henter nan fanatico nan pa e victoria aki.
