Home Policial Camera a capta supuesto ladron

Camera a capta supuesto ladron

0
0
SHARE
- Advertisement -

ORANJESTAD.(AAN): Esun cu ta hinca den su cabez pa trata di tira para den cercania di hotelnan high rise na Oranjestad mester ta desespera, pasobra e sistema cu ta wordo usa na e hotelnan aki ta di alta calidad cu ladron no tin scapatura.Falta pa e sistema lesa pensamento di e persona pa sa kico ta su intencion.Diaranzon anochi pa di tantisimo biaha operador tras di panel di control a capta un tipo ta comete destruccion y ta trata pa drenta horta .
Mesora guardianan a wordo mobiliza y a drenta den accion pa gara e homber P.V. cu a kibra bentana pazuid di e hotel y a trata pa forza porta pa drenta den camber.Ora cu patruya di polis a presenta, e detenido a wordo pasa pa e agentenan.

Keho a wordo entrega contra e sospechoso inicialnan P.V. cu awor lo tin cu responde na husticia di su hazaña.Dia gobierno di Aruba inverti den e sistema cu e hotel aki ta usa nan lo frena e tantisimo ladronicia y crimen riba nos Isla.

Luz ta importante y falta masha hopi caya cu no tin luz .Si acaso tin luz mes algun tempo pasa altura di Marriot hotel tin un poster di luz cu a wordo casi ranca for di lugar.Consecuente un cantidad otro poster di luz no ta funciona.

Un scuridad total tin den e area aki, na diferente occasion a tuma lugar hasta atraco tanto riba local y turista, pero te dia di awe esnan responsable no a percura pa drecha reemplaza y percura pa tin luz y evita asina malhechornan probecha di scuridad.Ban spera cu riba corto plazo e compania di electricidad drecha e situacion.

- Advertisement -

DUNA COMENTARIO

Please enter your comment!
Please enter your name here