Home Deporte Campeonato di Baseball AA ta inicia awe

Campeonato di Baseball AA ta inicia awe

0
0
SHARE
- Advertisement -

baseball1Cu prome buelta lo disputa Copa Gobernador Fredis Refunjol
ORANJESTAD (AAN)— Diabierna 4 di September e campeonato AA 2009 lo start sali na Tereno di Dragon Hitters ball Park na Barcadera.E equiponan campeon y sub-campeon esta ATCO Indians y Red Machine lo habri e campeonato 2009, un campeonato cu a conoce un contratiempo enorme e aña aki.E hecho cu ta solamente un tereno pa hunga baseball AA ta disponibel ta e causa principal di e tardanza menciona.
A.B.B.A e aña aki mester a coopera tanto cu Little League, Big League pa asina duna e campeonatonan aki preferencia cu e consecuencianan conoci.

No obstante e organizacionan a demostra comprencion y expresa esaki durante un reunion general extraordinario teni diamas 1 di September na unda tur e equiponan di AA tabata presente.

A.B.B.A. a expresa e urgencia pa cu un ball park pa nos AA. E exitonan cu e organizacion ta cosecha e ultimo añanan ta obvio, varios peloteronan a wordo firma, otronan a ricibi beca pa high school y college mericano.

Recientemente e seleccionnan di 16/17 cu a wordo prepara mas cu un aña pa e bonds coach Tony Rombley cu su staf consisitiendo di Raymundo Dijkhoff, Carlos Wester, Antonio Kelly, Milton Croes y Candito Tromp a sabi di pone record den baseball weganan di reino pa Sali campeon invicto pasando facilmente riba e seleccion di Hulanda y Antiyas. Practicamente e mesun seleccion a sabi di conquista e titulo campeonil di Latino America.

- Advertisement -

DUNA COMENTARIO

Please enter your comment!
Please enter your name here