Home Hudicial Caso di posesion di arma di candela posponi

Caso di posesion di arma di candela posponi

0
0
SHARE
- Advertisement -

armaORANJESTAD(AAN): Renee J.P y Harold S.L a presenta dilanti di huez Diabierna, debi na e hecho cu nan a wordo acusa di posesion di arma di candela y patronchi entre Januari y Mei 2009.
R.P a wordo acusa tambe di posesion di marihuana.Fiscal a cuminza na bisa cu abogado di e acusadonan a yame pa pidi pa algun testigo wordo scucha, pero cu e no a wak motibo pa esaki, pues el a nenga e peticion aki.E fiscal a pidi huez pa pospone tratamento di e caso, door cu e rapport final apenas a yega O.M un dia prome.
El a pidi huez pa pospone e caso te cu dia 16 di October.Abogado Paul van der Sloot representando e acusadonan a indica cu e ta haya cu e caso por wordo trata, a base di e documentonan di e caso cu tur partido tin caba.

Mirando cu su clientenan ta cera algun luna caba, el a bisa huez cu no ta pornada cu tin cierto termina specifico pa e detencion preventivo.Si ainda falta investigacion por keda pospone e caso, pero den e caso aki esaki no ta e caso, segun e abogado.

Fiscal a indica cu no ta bon idea pa e caso wordo trata ainda, pasobra ainda falta tambe un otro documento.Huez a indica cu Diahuebs numa el a ricibi e rapport final di e caso y e no a haya oportunidad pa repasa esaki.

Ademas di esaki el a trece dilanti cu pa e cliente ricibi un bon defensa, ta importante pa su abogado, e fiscal y e huez repasa e rapport hopi bon.Pesey huez a dicidi di pospone tratamento di e caso te cu dia 16 di October.

Abogado van der Sloot e ora ey a pidi huez si su clientenan por wordo laga den libertad, pendiente di tratamento di e caso.El a bisa huez cu R.P apenas tin 19 aña y cu KIA no ta bon pe.
Mama di e acusado ta cla pa yude na cas y dune tur sosten, si e sali for di prison.

E abogado a bisa huez cu su cliente no ta den un parti separa di e prison y tin un incidente cu a sosode cu el a pidi e director di KIA pa raporta, pero e no a hasi esaki.E abogado a bisa tambe cu e arma cu R.P lo tabata tin, no ta ni funciona bon.

Pa loke ta H.L, van der Sloot a indica cu for di un principio su cliente a indica cu e kier ayudo cu su problema di adiccion di alcohol.E abogado a bisa huez cu el a tuma contacto caba cu fundacion Adopt an Addict, pa H. wordo yuda na Santo Domingo.

El a pidi huez pa si acaso e fundacion keda cla cu tramitenan pa H. wordo yuda, pa e ora ey e permiti pa e sali for di KIA pa wordo yuda.Huez a evalua tur loke a wordo treci dilanti y a bisa cu tin mucha prueba cu e dos personanan aki tabata tin posesion di arma di candela, apesar cu H.L a bisa cu polis no a haye cu ningun arma ni patronchi.

Segun huez, tapnan di combersacion di telefon y declaracion di cierto persona, ta pone cu e sospecho ta grandi.Pesey el a nenga di permiti loke a wordo pidi pa abogado van der Sloot.

- Advertisement -

DUNA COMENTARIO

Please enter your comment!
Please enter your name here