Home Hudicial Casonan penal den Corte di Husticia awe

Casonan penal den Corte di Husticia awe

5
0
SHARE
- Advertisement -

ORANJESTAD(AAN): Awe na corte di husticia varios caso penal ta bay tuma lugar.
Prome ta bay tin veredicto den e casonan di R.S.C.G y G.Z.Despues ta bay tuma lugar e caso contra R.J.P y H.S.L, den cual R.J.P. ta wordo acusa di posesion di un arma di candela y/of patronchi den e periodo di prome di Januari 2009 te 12 di Mei 2009, sin cu tabatin permiso pa esaki.Tambe e ta wordo acusa di posesion di marihuana y di cocaina riba 13 di Mei 2009.
H.L. ta wordo acusa di posesion di un arma di candela y/of patronchi den e periodo di 2 di Maart 2009 te 12 di Mei 2009, sin cu tabatin permiso pa esaki.E caso aki ta bin dilanti Pro forma.J.F.A. mester presenta tambe dilanti di huez awe, door cu e ta wordo acusa di ladronicia di un caha di placa for di un tienda riba 28 di Mei 2009.

Tambe e ta wordo acusa di ladronicia di un of mas caha di cervez for di un tienda riba 24 di October 2008.Despues ta bay tuma lugar e caso den cual J.C.C. ta wordo acusa di ladronicia di un tas di un persona riba 26 di Augustus 2008.

E ta wordo acusa tambe di ladronicia di un beker cu placa for di un tienda riba 16 di Juli 2008.
J.A.M. tambe tin cu presenta dilanti di huez, door cu e ta wordo acusa di ladronicia den un cas di un of mas laptop y otro pertenencianan di un persona riba 16 di Maart 2009.

Alavez e ta wordo acusa di ladronicia den un cas di pertenencianan di un persona riba 22 di Maart 2009.Tambe e ta wordo acusa di ladronicia di pertenencianan den e mes cas ey di un otro persona riba 22 di Maart 2009 y e ta wordo acusa di ladronicia di placa y otro pertenencianan di un di tres persona den e cas riba e mes dia ey.

E.R.K. tambe tin cu presenta dilanti di mesa berde awe, door cu e ta wordo acusa di cu e intencion pa tuma bida di un persona, hinca e persona ey cu un cuchio den su frenta, nanishi y braza riba 15 di Maart 2009

Penultimo caso awe ta e caso den cual R.M.S ta wordo acusa di destruccion di bentana di auto riba 8 di Maart 2008.Ultimo caso awe ta e caso den cual G.A.C.P ta wordo acusa di exportacion y/of posesion di cocaina riba 12 di Augustus 2009.

- Advertisement -

DUNA COMENTARIO

Please enter your comment!
Please enter your name here