ORANJESTAD (AAN): Diahuebs na corte di husticia un biaha mas ta bay tin diferente caso penal.
E prome caso ta un caso den cual R.L.E. ta worde acusa di a intencionalmente maltrata un persona riba 24 di October 2008, door di dal e mas biaha den su cara, door di cual e persona ey a worde herida y/of a sufri dolor.Despues ta bay tuma lugar un caso den cual B.G. ta worde acusa di a intencionalmente destrui T-shirt di un persona riba 27 di Januari 2008.
S.M.V. tambe tin cu presenta dilanti di huez Diahuebs, door cu e ta worde acusa di posesion di marihuana riba 11 di December 2008.
Despues ta bay tuma lugar un caso den cual T.C.B. ta worde acusa di a intencionalmente planta 24 mata di marihuana riba prome di Mei 2008.
Tambe e ta worde acusa di posesion di marihuana den e periodo di prome di Mei 2008 te 26 di Augustus 2008.
R.A.P. tambe tin cu presenta dilanti di mesa berde, debi na e hecho cu e ta worde acusa di, conhuntamente cu un otro of otronan, ladronicia di computer di un school den e periodo di 21 pa 22 di Augustus 2008.
Penultimo caso di Diahuebs ta un caso den cual S.L. ta worde acusa di, conhuntamente cu un otro of otronan, exportacion y/of transporte y/of posesion di cocaina riba 11 di Mei 2009.
Ultimo caso Diahuebs ta e caso den cual R.M.A. ta worde acusa di, conhuntamente cu un otro of otronan, exportacion y/of transporte y/of posesion di cocaina riba 11 di Mei 2009.
