Home Hudicial Castigo di 3 aña pa pasa auto riba hende

Castigo di 3 aña pa pasa auto riba hende

0
0
SHARE
- Advertisement -

ORANJESTAD(AAN): Diabierna e Chines Gouwen Z. a presenta na corte di husticia, pa scucha veredicto di huez den su caso.El a wordo acusa di a intenta di viola un mucha muher sexualmente.Ademas di esaki el a wordo acusa di a pasa auto riba e muher intencionalmente, ora cu e muher a nenga di teen relacion cune.E acusado a admiti cu el a mishi cu e mucha muher na su pecho y otro partinan, pero cu e mucha muher mes tabata kier na prome instancia.
Huez a bisa cu e no a haya suficiente prueba pa mustra cu intencion di G.Z di berdad tabata pa viola e mucha muher.

Si el a haya comproba cu el a mishi cu e mucha muher na su partinan intimo, despues cu e mucha muher a indica cu e no tabata kier hasi nada.

Ta asina cu G.Z a duna e mucha muher un lift y el a bay cune anochi laat cerca di beach di Bushiri.Segun e dossier di e caso, ora cu nan a yega eynan, el a pone su curpa riba curpa di e mucha muher.

Despues cu e mucha muher a indica cu e no tabata kier nada, un pelea a cuminza, unda cu e mucha muher a wordo saca for di e auto.E homber a declara un cos y e mucha muher a declara diferente, pero hecho ta cu e auto a wordo pasa riba e mucha muher.

Segun G.Z, ora e muher tabata pafo di e auto, el a reverse pa core bay, e no a wak e muher y e no a sinti cu el a pasa e auto over di dje.E acusado a indica cu door cu e area di beach tin diferente buraco y seronan chikito di santo, e no a pensa cu ta over di un hende el a pasa cu e auto.

Rapport di docter a indica cu e mucha muher tabata tin marca di tire di e auto riba su curpa.
Huez no a kere cu G. no a wak e mucha muher y cu e no tabata sa cu el a pasa auto over di dje.
El a bisa cu pa loke ta e castigo e ta tene cuenta cu e hecho cu G.Z nunca a haya su mes den problema cu polis.

Tambe el a tene cuenta cu e hecho cu e mucha muher door di su lesion y loke el a pasa aden e anochi ey, tin ainda problema fisico y mental.Pesey el a dicidi di dune un castigo incondicional di 3 aña.

Pa loke ta e demanda di e mucha muher di 29.000 florin pa daño material y inmaterial, huez a dicidi di ordena G.Z pa paga e victima 5000 florin.Ademas di esaki e tin cu paga e mucha muher 130 dollar y 75 florin, pa e renchinan di orea y slof perdi.

- Advertisement -

DUNA COMENTARIO

Please enter your comment!
Please enter your name here