Home General Coco Willems maltrata seriamente den Avenida Alo Tromp

Coco Willems maltrata seriamente den Avenida Alo Tromp

0
0
SHARE
- Advertisement -

maltrato1ORANJESTAD(AAN): Coco Willems ta bon conoci den e area pabao di Misa na Playa. E ta haci respondi pa esnan eybanda y sobrevivi a base di trabaonan chikito cu e ta haci pa e habitantenan.Sinembargo Diaranzon anochi el a keda seriamente herida, despues cu desconocinan a maltrate te mande for di tino, y a bay lage eybao. E tabatin un cap na su cabez cu tabata sangra profusamente.
Pa casualidad fotografo di DIARIO a pasa na e cruzada di Avenida Alo Tromp y Kerkstraat y a mira Coco Willems di 50 aña benta eybao y a bati alarma. Kico a pase no ta conoci. E no tabata reacciona, y su rosea tabata masha cortico.

Un plas di sanger tabata rondona su cabez eybao.Polis y Recherche a presenta na e lugar pa cuminsa un investigacion. Presencia di ambulans a ser pidi cu urgencia y na yegada a sali pura cune na hospital. E no tabata reacciona mes na e lugar, pues el a bay knock-out total.

Na Servicio di Emergencia el a bin na tino parcialmente. Tabata core diferente informacion na e lugar unda a menciona cu e victima a worde tira, of maltrata etc. E tin un herida serio na cabez.
Na momento cu el a yega hospital a hibe mesora ariba pa CT Scan.

Recherche mes no por a haya mucho informacion for di esnan di servicio di emergencia pasobra nan tabata basta ocupa cu Coco Willems kende no ta busca problema cu hende. Cualkier persona cu a mira kico a pasa, ta ser pidi pa contact Polis.

- Advertisement -

DUNA COMENTARIO

Please enter your comment!
Please enter your name here