Home General Como 450 miyon di entrada perdi ora di pone Valero cera completo

Como 450 miyon di entrada perdi ora di pone Valero cera completo

2
0
SHARE
- Advertisement -

AVP VALERO (1)Segun Donny Rasmijn di Partido AVP: refineria ta representa 12% di nos GDP!
ORANJESTAD (AAN): Durante e reciente conferencia di prensa di partido AVP, na San Nicolas, candidato riba lista di e partido berde, Sr. Donny Rasmijn a comenta riba e falta di huma saliendo for di e pipanan di e refineria y for di cual hopi hende a cuminza bay cas den e ultimo dianan.
E realidad ta cu hopi contratista na e momentonan aki ta wordo manda cas. Trahadornan vast cu pa hopi tempo a traha hunto. Personanan cu ta traha den e refineria for di 10 pa 15 aña caba. Personanan cu di un dia pa otro ta wordo manda cas, a manifesta.
Berdad, e margennan di Valero no ta duna pa por draai e refineria, pero tur esaki por a wordo scapa si a inverti den e refineria y hacie mas upgraded pa aworaki draai y competi internacionalmente, a señala.
Donny Rasmijn a sigui bisa cu cada un di e tata y mamanan di famia aki cu mester bay tin nan debenan. Nan tin nan hipoteca pa paga, nan debe di auto, nan yiunan pa cria y cu ta bay school.
Esaki ta un momento hopi critico, pero e pregunta cu nan tin ta, unda Prome Minister ta? E mester ta eynan, dia y anochi tratando di papia cu gerente di Valero. E mester ta na San Antonio, Texas papiando cu gerentenan di Valero.
Segun e politico, prome minister no por ta na Aruba ni Dakota purbando baha banderanan di AVP pa pone un di MEP.
Esey tabata locual Prome Minister tabata haci fin di siman pasa mientras cu e sa kico ta pasando den e refineria, a subraya.
E ta prefera di pone enfasis den su campaña politico, prefera di sigui pone bandera di MEP na lugar di percura pa e refineria por sigui draai pa asina tur hende por tin un futuro, a agrega.
Banda di esaki, Rasmijn a manifesta cu GDP ta 4.2 biyon florin y cu e refineria ta representa 12 porciento di nos GDP. Eynan caba tin 450 miyon caba di entrada di pais Aruba cu ta bay perdi ora di pone e refineria aki cera por completo.
Aworaki caba cu e ta para y cu hopi hende ta wordo manda cas, e contribucion caba di pais Aruba ta hopi mas abao cu locual e ta, a subraya.

- Advertisement -

DUNA COMENTARIO

Please enter your comment!
Please enter your name here