Home Hudicial Conseho Electoral a otorga ayera numeracion y color

Conseho Electoral a otorga ayera numeracion y color

1
1
SHARE
- Advertisement -

conseoelecto1Caso den Corte no tabata tin base:
ORANJESTAD (AAN) – Matutino DIARIO a entrevista mr. Hubert Maduro, Presidente di Conseho Electoral, relaciona cu e proceso cu tabata tin ayera den e periodo aki pre-electoral, unda a saca lot y a destina color na e diferente partidonan politico.Presidente di CEA a comenta cu ayera tabata tin otorgamento di color cu lo bin riba e stembiljet y e secuencia di e partidonan riba dicho papel.El a splica cu ta asina cu e colornan cu tabata disponible e partidonan por a haci un escogencia y tur hende a haya, pues no tabata tin necesidad pa tene un lot di color. E numeracion ta otro, el a agrega, pasobra e numbernan riba lista ta importante y ley ta bisa cu mester tin lot pa esaki.Señor mr. Maduro a duna di conoce cu e stembiljet a haya e siguiente orden di number y color:

1. CURPA: cu e lista biña scur, encabeza pa meneer Robert
2. PDR: cu e lista cora, encabeza pa mr. Andin Bikker
3. OLA, cu e lista blou, encabeza pa mr. Duijneveld
4. PPA: cu e lista orange, encabeza pa sr. B. Nisbet
5. MEP: cu e lista geel, encabeza pa sr. N. Oduber
6. AVP: cu e lista berde, encabeza pa mr. M. Eman
7. MPA: cu e lista rose, encabeza pa mr. Monica Kock
8. RED: cu e color blanco, encabeza pa R. Lampe
“ Anto cu esaki, realmente, nos ta cla pa bay eleccion. E oficina di Censo aworaki por duna e contract na e empresa pa nan traha e Stem iljetnan y despues di esey nan lo controla e listanan un pa un pa no tin eror den nan pa nos ta cla pa eleccion.

“ Tin otro cos cu ta pasando ainda cu ta e carchi cu bo ta haya na cas pa presenta na Stemburo. Esey tambe mi tin entendi cu ta na bon caminda. Siman cu a pasa, parcialmente, mi a wak e produccion di e carchinan”, mr. Hubert Maduro a menciona.

Na e momentonan aki no tin nada mas pa worde haci cu ta rekeri reunion di Conseho Electoral.
“ E caso di ayera (lesa diamars) e tabata un poco straño pasobra diabierna siman pasa nos tabata tin reunion publico di CE tambe, pa dicidi riba e listanan mes, ken ta riba lista y e tabata e fin di e proceso pa esnan cu mester a haci coreccion ainda riba nan lista.

“ Nos a uza e tempo cu nos tabata tin diabierna tambe pa haci dos coreccion tipografico cu tabata tin den dje y pa mi sorpresa apesar di tur loke a worde papia den e reunion, a bin Caso den Corte, cu un poco votador a hiba pa asuntonan cu no a worde treci na nos atencion prome.

“ Den e caso aki un grupo di votador ta haya cu e partidonan cu ya caba tin representacion den Staten, segun nan, ta contra Constitucion pasobra nan no tin mester di firma nan lista manera e partidonan cu no tin representacion.

“ Nos a haya nos mes ta postpone e reunion di diamars. Nos a tine awe y nos tabata tin planea di ayera caba, pasobra no tabata tin ningun indicacion cu lo tabata tin problema.“ Awe tabata tin decision di Huez. Awe mainta caba nos a haya e decision cu e Caso cu a worde entrega contra Conseho Electoral no tin base”, mr. Hubert Maduro a señala.

Nombramento di e personanan cu ta bay traha den e urnanan ta cla, den sentido cu tin un lista cu proposicion pa e minister firma un decision pa nombra e personanan aki den Stemburo. Pa cada Stemburo mester di alomenos tres hende. Anto ta 69 Stemburo mester tin”, mr. Maduro a conclui.

- Advertisement -

1 COMMENT

  1. mi ta gusta e Diario online ja mi coleganan no por bai cu mi corant sin cu mi a lese.!!!! mi ta desea si di hanja mas splicashon riba afkortingen manera e nomberban completo di e partidonan politico tambe di otro oficinanan di gobierno por ehempel (tussenhaakjes) tras di e afkorting asina pueblo ta wordo informa y educa di biaha.

DUNA COMENTARIO

Please enter your comment!
Please enter your name here