Home Policial Debi cu no tin gymzaal bala di M.C. a cay den cura...

Debi cu no tin gymzaal bala di M.C. a cay den cura bisiña

4
0
SHARE
- Advertisement -
Maria College na Washington.
Maria College na Washington sin bala.

Pero ni pa nada di mundo señora no kier debolbe e bala!
ORANJESTAD (AAN): E espacio temporal pa school no ta apropia, tin calor inmenso, temperatura basta halto estilo forno den barak, no tin ventilacion drechi, pa colmo ni Gymzaal no tin.Tin un veld grandi di futbol, y un veld di basket. Awor ta bin acerca e djis un rato cu e alumnonan tin move curpa , bala a cay den cura di bisiña a surgi problema.
Manera ta conoci e despacho di minister encarga cu enseñanza a dicidi sin prepara of studia plan drechi, y a manda tur alumno di Maria College MAVO cu shuttle-bus pa Centro Hubenil Washington.
Recientemente durante cu e docente di Gym ta haci deporte cu alumnonan riba tereno, bala a desvia y a bay cay den tereno di bisiña. Muchanan a subi tereno di bisiña pa recupera e bala, pero doño cas segun e version policial a core cu e muchanan y a keda cu e bala.
E asunto di bala a haya un rabo ya cu ni pa nada di mundo e señora H.N.W. di 63 aña no kier debolbe e bala, hasta docente di Gym a bay papia cu e señora, y cabezante di Maria College a purba di tur manera… pero e no ta duna e bala back.
E señora a laga sa cu e tin un veredicto di Corte relaciona cu balanan cu ta cay den su cura. Den e veredicto ta para cu “1x”, esta 1 biaha pa luna e tin cu debolbe e balanan. Esaki ta nifica ora cu un luna pasa e ta debolbe e bala na esnan di Maria College MAVO.
A splica e señora cu Gobierno y School no tin placa pa cumpra mas bala pa cual nan ta solicite pa tene consideracion, cu e hobennan no tin ni un Sportzaal sino esaki lo no a socede.
E señora, aparentemente cu tur su derecho, a keda para riba e sentencia di Corte! Esey nifica cu den pasado e tabata haya hopi molester di balanan ta cay den tereno, y a busca su derecho y Corte di Husticia a dune esey tambe.
Pues, e bala no a worde debolbi. Awor esnan di Maria College MAVO tin cu bay kibra cabez con pa haya placa pa cumpra bala, sino tin cu bay back den pasado traha bala di “Mea” pa asina nan haci deporte. Tog e por ta masha barata y of tin di spera te otro luna, esta principio di October pa e bisiña cumpli cu veredicto di Huez, y debolbe school encuestion e bala.

- Advertisement -

DUNA COMENTARIO

Please enter your comment!
Please enter your name here