Home General Déjà Vu Nel Oduber panorama di Refineria ta di inactividad y preocupacion

Déjà Vu Nel Oduber panorama di Refineria ta di inactividad y preocupacion

2
0
SHARE
- Advertisement -

dejavuORANJESTAD(AAN)— Comunidad di Aruba, specialmente trahadornan di refinería Valero, ta den un situacion caminda cu nan no por compronde ta kiko a bay robes. E situación tabata parce uno fácil. BBO a wordo introduci contra conseho di practicamente tur instancia, NGO’s y institutonan di peso na Aruba.Partidonan político tabata un poco zwak den nan ponencia cu excepción di partido AVP cu a hiba un bataya fuerte contra introducción di BBO. Valero tambe a pone gobierno di MEP ariba sobre-aviso ariba introducción di BBO.
Pero oreanan di Nel Oduber tabata será pa cualke critica di su plan pa por a haya placa bruto den su caha di placa.Tristo pa tata y mamanan di famia awe tin di tende cu Nel Oduber ta gaba cu orguyo di su abilidad pa negocia tenazmente pa haya loke e kier.

Loke e kier a conduci awe un biaha mas cu un refinería ta sera su portanan na Aruba.Ta bon pa indica cu cada biaha cu un refinería a sera su portanan na Aruba, MEP tabata den gobierno. LAGO a será su portanan ora cu MEP a tuma decisionan descabeya y incomprendibel.

Nel Oduber tabata presente prominentemente. Ora cu Nel a grita di locura y alegria cu e mes (personalmente) a logra habri e refineria.Algun tempo despues, e a ta papia mucho di loke e la ocasiona: déjà vu.

Coastal ta bay for di Aruba bou di gobierno di Nel Oduber.No mucho tempo despues, bou di auspicio di e mesun Minister President Nel Oduber, El Paso tambe ta bisa, “enough is enough” y ta sera su portanan.

Valero a habri e refineria algun tempo después.Despues di a tene negociacionan cu Nel Oduber y cu e ultimo aki a haci un cantidad di promesanan.Pero awe pa di tres biaha: déjà vu.

Y bou di un gobierno di Nel Oduber. Un funcionario halto di Valero, den Parlamento di Aruba a bisa (textualmente): “Your Prime Minister has a problema with the truth”.Hopi ta puntra nan mes ta kico ta pasando cu Nel Oduber ta supervisa seramento di 4 refineria?Por ta casualidad? No! Ineptitud?Probablemente. Nel Oduber ta papia duro y bati na pecho cu su estilo di negocia ta único.

Su abilidad pa negocia duro pe (Nel Oduber) ta algo cu ta trece placer pe.Pero e no ta realisa cu tin un diferencia grandi entre “negocia duro” y “negocia manera un loco”. consecuencianan awo ta pa tata y mamanan di famia cu ta bay perde nan entrada. Hopi, cu no por haya trabounan similar na Aruba, mester bay laga nan isla keri pa otro país cu por ofrece nan un trabou den e sector petrolero.

Pero ainda Nel ta orguyoso di su abilidad di negocia y su BBO.Ningun hende ta contento cu BBO: partido MEP so. BBO a causa inflación nunca bisto na país Aruba.Costo di bida a bira impagabel y awo te hasta Valero ta bay sera su portanan pa via di un disputa entre gobierno y Valero tocante di BBO.
Nel nunca ta siña?

- Advertisement -

DUNA COMENTARIO

Please enter your comment!
Please enter your name here