Home Hudicial Cornelius Wilson a hiba Conseho Electoral dilanti Corte

Cornelius Wilson a hiba Conseho Electoral dilanti Corte

3
0
SHARE
- Advertisement -

corneliusE ta insisti cu ningun Partido tin asiento den staten
ORANJESTAD (AAN) – Den entrevista cu prensa, e candidato di MSI sr. Cornelis Wilson, a declara cu el a hiba Conseho Electoral Corte, simplemente pa haci uso di su derecho como ciudadano.
Tambe pa mustra pueblo cu ningun ciudadano ta sin derecho y sin poder, y cu tur nos autoridadnan mester actua segun ley. “Y si nos haya un ley cu no ta husto nos tin e derecho y hasta obligacion den nos convivencia, di actua contra dje, y esaki ta un di e maneranan cu bo por hacie. Desafortunadamente ta un di e poco maneranan” Wilson a indica.


El a reitera cu e parti di e ley cu ta bisa cu e partidonan cu tin, of cu kere cu nan tin, asiento den Staten caba, no tin cu haci loke popularmente ta worde bisa “firma lista”, ta discriminatorio.
“ Pa tal motibo, no solamente for di mi punto di bista, pero di otro hendenan tambe, e contexto den cual nos ta papia ta eleccion nobo, anto den esey ningun hende tin asiento den Staten.

“ Ademas, si bo ta lesa locual nan ta bisa den e ‘memorie van toelichting’ cu esnan cu tin asiento den Staten caba cu nan tin suficiente respaldo di pueblo no ta berdad, pasobra e lista nobo no ta mescos cu e lista bieu unda nan si a haya asiento.

“ Anto bo no por wak di antemano cu enberdad nan ta bay haya e mesun sosten. Pasobra nos tur sa cu tin cierto disgusto pero nos no sa con grandi e ta. Pero no kiermen cu bo por asumi cu e disgusto no ta di e grandi ey cu nan lo no falta sosten.

Bo no por mira den futuro y bo no por pasa leynan riba un posibilidad di futuro. E hecho ta cu manera ta stipula den ley, cu e partidonan cu si a firma lista ta publicamente habri pa tur hende”, Wilson a señala.

Segun’e cada un ciudadano por bay Censo anto exigi pa tira un bista riba tur e listanan di candidato unda no ta mira e prome blachi di documento so, pero henter e contenido, pero si wak e lista di e otro partidonan cu tin asiento caba, no ta mira nada otro cu e candidatonan y no e sosten cu nan tin.

E ta considera cu e punto 1:22 di e “Kiesverordening” ta discriminativo y contra Aruba su Constitucion.

- Advertisement -

DUNA COMENTARIO

Please enter your comment!
Please enter your name here