Home Policial Di dos Hot Zone den creacion banda di Highrise Hotelnan

Di dos Hot Zone den creacion banda di Highrise Hotelnan

1
0
SHARE
- Advertisement -

ORANJESTAD (AAN):-  Ta parce cu e titulo “eterno” di Hot Zone cu tabata pertenece na e seccion di Weststraat na Playa dilanti e Nightclubnan, ta cambiando pa doño nobo.  Awor Hot Zone ta mas cerca di Highrise Hotelnan.  Polis a revela na DIARIO, cu yamada a drenta Diasabra pa tres’or di marduga na central di polis y e informante ta menciona cu na “Chino Latino” tin pelea.  Central a despacha mesora un patruya di Polis na e adres.  Aki agentenan a baha, y a topa e homber inicialnan D.P. di 27 aña.
Segun version di e homber aki naci na Hulanda, el a wordo ataca pa cuater mucha homber y nan a bringa cune.E cuater personanan en cuestion ya a move for di e lugar.

Polis a observa cu D.P. tabata bebi pa cual e no por entrega denuncia oficial.Ambulans a presenta y paramediconan a atende ya cu D.P. a ricibi golpi y rasca na su banda di wowo drechi.

Patruya a keda vigila henter e area aki cu a cuminsa bira un segundo Hot Zone Manera ta conoci a permiti construccion serca di e high rise hotelnan cu lo por bay causa problema den futuro sercano.

Ya cu tin hopi trafico di tanto auto y tambe hendenan cu ta circula. Pa seguridad tin di e cluban nocturno cu polis a ordena pa cuminsa sera porta relaciona cu e ora. Tambe esnan cu ta forma asina yama “Samen scholing”( boshi hende den grupo) a wordo instrui pa move direccion cas.

- Advertisement -

DUNA COMENTARIO

Please enter your comment!
Please enter your name here