Home Hudicial Diez luna di castigo pa mas di 700 gram di cocaina

Diez luna di castigo pa mas di 700 gram di cocaina

3
0
SHARE
- Advertisement -

gramoscocainaORANJESTAD(AAN): Eddy B. naci na Republica Dominicano na 1989 y actualmente biba na Hulanda, mester a presenta dilanti di mesa berde, debi na e hecho cu el a wordo acusa di exportacion y posesion di cocaina riba 24 di April 2009.E no a aparece, como cu el a wordo manda Hulanda cu un procesverbal despues di a sinta 18 dia den detencion preventivo.E caso a wordo trata si.
Fiscal a splica cu riba 24 di April e acusado a wordo gara na aeropuerto.Personal di douane a ripara cierto caracteristicanan riba e persona, cu a duna e sospecho cu e lo a guli bolita.
Entre otro e tabata tin wowo cora y lipnan seco.

Ademas di esaki e cacho anti-droga a haya holo di droga riba maleta di e sospechoso.Ora douane a acerca e homber pa hasi un control, el a nenga di tin algo di haber cu droga, pero despues el a admiti cu el a guli 80 bolita.

Sinembargo e tabata tin solamente 60 bolita den su curpa.El a splica cu e prome 20 bolitanan cu el a guli a sali bek for di su curpa.

E 60 bolita tabata contene un total di 743,3 gram di cocaina.E sospechoso a declara cu el a dicidi di guli bolita door cu e tabata tin problemanan financiero.

Huez a indica tambe cu e homber aki tabata wordo vigila for di prome caba, relaciona cu un caso grandi di droga yama “Quisqueya”.

Fiscal a exigi un castigo incondicional di 10 luna y huez a bay di acuerdo cu esaki, kitando e 18 dianan cu el a sinta caba den detencion preventivo.

- Advertisement -

DUNA COMENTARIO

Please enter your comment!
Please enter your name here