Dos curpa bibo tabata drief na Spaans Lagoen

ORANJESTAD (AAN); Dialuna atardi, un hende muher a yama central di polis y a bati alarma. E señora a bisa polis cu dos curpa ta drief den laman na Spaans Lagoen.Mesora e centralista a reacciona, a base di e informe y a dirigi patruya di polis inmediatamente pa Spaans Lagoen.
Den un fraccion patruya a presenta na Spaans Lagoen, enberdad polis a nota dos hende homber ta drief. Tabata trata di dos persona di habla hispano, y nan ta bibo!

Nan a bisa polis cu nan a traha henter dia den solo y pa cual nan a dicidi di drenta laman, drief boca ariba pa fresca curpa.Debi cu polis no a nota nada particular nan a continua patruya.