Douane a intercepta droga den boter di talco pa baby
ORANJESTAD (AAN): Diabierna cu a pasa, Douane seccion di Aeropuerto a haya bin intercepta droga scondi den boter di talco pa baby.Ta trata di aki di un hende homber cu inicial J.F.M naci na Curaçao prome di november 1987. E persona menciona a yega for di Curaçao alrededor di 20.45or di anochi cu e vuelo di Tiara Air.Durante e control di douane a bin constata cu e persona tabata tin un boter di talco pa baby den su maleta. Douane a bay over pa controla e contenido di e boter di talco y nan a bin constata cu den e boter tabata tin pakinan di droga parecido di marihuana scondi. Douane a test un tiki di e contenido y e test a reacciona positivo.
E sospechoso J.F.M. a worde deteni mes ora y el a worde entrega hunto cu e pakinan di marihuana na e Recherchenan di KPA, seccion SGC pa mas investigacion.
