Home Editorial Eleccion tey pa caba cu corupcion y mal maneho!

Eleccion tey pa caba cu corupcion y mal maneho!

4
2
SHARE
- Advertisement -

           Atrobe mi mester constata con hendenan supuestamente inteligente kier tuma otronan pa bobo, no pasobra nan no sa mihor, sino pasobra nan a adapta nan pensamentonan y principionan na e corupcion y incapacidad di e Gobierno di MEP. No tin otro forma di mire ni otro manera di exprese!
           E eleccion cu ta nos dilanti NO ta un eleccion pa elegi e futuro structura estatal di Aruba, sino di huzga un mal Gobierno y castigue.  Bo no por abusa di un Pueblo di e fashi cu MEP a hacie y djey pretende cu e mesun Pueblo ey cu su Gobierno a castiga sin misericorida mester bolbe vota pa nan y nan grupito selecto di ‘friends and family’!
           E decision pa Aruba opta pa UPG, LGO, Independencia of cualke otro concepto estatal ta un competencia directo di Pueblo, no uno delega na un partido o Gobierno, y no por ser dilucida tampoco den un eleccion, sino den un encuesta cu preguntanan specifico dirigi na Pueblo den su totalidad.  Pa un persona educa pretende lo contrario ta un indicacion di su nivel, no di inteligencia, sino di compromiso cu e grupito di coruptonan cu a desgracia Aruba cu e maneho mas malo cu e isla a yega di conoce den henter su historia.
           No ta necesario bolbe mustra riba e abuso cometi cu e propiedadnan di Pueblo, y ni sikiera e hincamento den Gobierno di delaster un ruman o otro familiar den un aparato cu ta satura y no ta ofrece mas espacio pa squeeze mas hende den su filanan. Di cu MEP ta sigui hacie ta un indicacion claro di su desprecio pa e bienestar di Pueblo, cu ta esun cu ta sali perhudica pasobra ta e, globalmente, mester percura pa e fondonan via B.B.O. y otro castigonan pa paga e peso financiero extra y completamente innecesario cu e man yen di politiconan corupto ta pusha riba dje.
           Pueblo Arubiano ta mas consciente di loke e coruptonan ey ta kere. Segun nan, ainda Pueblo ta mara na un sistema
tradicional di vota, sea hereditario o promovi pa e cabez di famia, y cu na momento di vota, nan ta hacie manera robot, sin e ehercicio di nan propio inteligencia, decision o voluntad. E concepto di cu “mi ta vota pa tal partido pasobra mi tata tabata un fundador di dje”, ta e guia mas ekiboca cu por tin na momento di eherce bo derecho di premia o castiga un bon o mal Gobierno.
          E criterio mester ta: “mi ta vota pa tal partido pasobra e tin e ekipo di hendenan bon prepara pa saca Aruba di e problemanan grandi cu e ultimo 8 añanan di corupcion, despilfaro y mal gobernacion a crea. ” Asina ta castiga esnan cu a haci malo, cu a abusa di e poder temporal cu un sector di Pueblo a pone den nan mannan, y a kere cu nan a bira todopoderoso y por grita den e oido di tur hende: “ta nos ta manda!”.
          Bo no por premia maldad!  E ta contra tur concepto moral y etico cu ta existi!  Bo mester castigue!  Y den politica, ta den un eleccion bo ta haya e oportunidad pa haci bo voz y bo voluntad bal pa bo comunidad y bo isla!  No desperdicie!  Ta con bo ta bay faborece esnan cu a martirizabo cu B.B.O., reduciendo bo poder di compra te na suela?  Ta con bo ta bay bati man pa esnan cu a causa tanto daño na e educacion di bo yiunan?  No pasa forma parti di e mediocridad cu a sembra desaliento y desesperanza na Aruba!  Mustra nan cu bo ta bay saca nan di Gobierno, pasobra nan a haci un mal trabao y a pone bo isla na rand di bancarota.
          Laga nan sa cu bo voto cu bo ta consciente cu ta nan a core cu KLM, cu Carnival Cruise Lines, y awor cu Valero!  Haci uso di bo derecho pa enaltece bo isla, pa crea un panorama di positivismo pa Aruba, y pa habri di nobo e horizonte di speranza cu nan a usurpa pa nan mes y a monopoliza pa nan friends and family!

- Advertisement -

2 COMMENTS

  1. ATROBE MEP kier ganja e pueblo manera SEMPER paso UPG of LGO jamas Hulanda lo laga aruba NA KAJA manera MEP ….Matar El Pueblo …… letterlijk en figuurlijk MEP a mata e pueblo ……..Awor vota pa boso libertad y felicidad pasobra ku MEP e pueblo no tin NADA ……. PURU DEBE paso NEL tin di kria F&F ……..E GOBERNO AKI TA …CORUPTO, SINBERGUENSA, IRRESPETUOSO, AROGANTE, HOPI BOBO ORA DI PAPIA, Y ORA DI GANJA TAMBE PASO NAN MES TA LUBIDA KIKO NAN TA GANJA …….Pero nan a LUBIDA e kos mas importante ….KU E PUEBLO SI NNNOOOOOOO TA LUBIDAAAAA …….25 DI SEPTEMBER TA ENTIERO DI MEP

  2. Ban spera La Femme paso mi a compronde ku ta hopi hende ta kere ainda den e mentira di Nel Oduber y mi ta basta ku ta kere ku nan ta bai haña bon trabow despues di voto. Ik kan niet geloven dat er zo veel d…e mensen zijn die nog in de leugens van Nel en zijn patrij geloven. Ta di berad, asina tanto hende seigo ……Trist

DUNA COMENTARIO

Please enter your comment!
Please enter your name here