Home Editorial Fanatismo of odio por pone hende distancia di realidad!

Fanatismo of odio por pone hende distancia di realidad!

3
11
SHARE
- Advertisement -

jossy_mansur_picDirigi na Miriam Henriquez Bruin.
Ta con un persona cu ta considera su mes “inteligente” por pone riba internet pa tur hende mira con comprometi e ta cu e delincuentenan di Gobierno e siguiente frase: “Den un Democracia ta keda na PUEBLO pa huzga ken nan ta considera corupto of no…”. O sea cu pa bo tur e actonan di corupcion exponi cu documentonan irefutable, ta algo ‘normal’, con tal cu e Mepistanan den Pueblo bisabo cu ta asina! Ta tristo constata cu na caminda bo a desvia pa e mundo di irealidad!


E huzgamento di un acto di corupcion, no ta un competencia di Pueblo como tal, sino di e Leynan cu el a acepta via su Parlamento pa goberna e materia; den e di dos lugar, di e Normanan y Balornan acepta pa PUEBLO. Ta e comprobacion di un acto di corupcion, apoya indiscutiblemente pa documentonan irefutable, ta condene pasobra e ta un violacion di loke Pueblo a establece como regla, no e simple ‘opinion’ o ‘creencia’ di algun individuo o sector di comunidad, motiva (manera den bo caso) pa un postura politico insostenible! No ta pasobra bo ta un compinchi di nan pa desgracia Aruba cu Independencia bo mester purba hustifica lo inhustificable! E no ta un postura di gaba!

Fuera di esey, bo odio inmenso contra Hulanda y e Hulandesnan, o bo rechazo di nan ta bon conoci via bo remitidonan cu e inicialnan MHB, y keremi cu Pueblo NO ta comparti cu bo e actitud ey! Nos Pueblo sa hopi mas di loke abo ta dune credito pe, pasobra e ta firme den su posicion di NO perde nos pasport Hulandes, di NO kier separa di Hulanda, di KIER ta parti di un Europa progresista, y di KIER conserva su respet pa e dignatarionan di Hulanda, especialmente nos Reina y su famia. Bo desprecio o rechazo pa nan tur, obvio den tur bo remitidonan, no tin e apoyo di nos Pueblo! Y bo campaña solitario pro e independencia di Aruba no ta conta tampoco cu e respaldo di e gran mayoria di nos Pueblo, pasobra nunca bo a aclarea ta den man di ken bo kier pa Aruba cay despues di e tal independencia ey.

Unda bo “ehercito” ta pa defende nos contra e usurpadornan tropical? Unda bo lineanan di defensa ta contra e dictadornan den nos region ora cu Hulanda y su poder militar, apoya pa NATO y Merca, no tey mas pa defende y garantiza nos integridad teritorial? Ta con bo ta pretende pa nos bira e lamchi cu por sirbi di desayuno pa cualke lobo den vecindario? Si bo no ta al tanto di loke ta pasando rond di nos, ta urgente pa bo cuminza pone bo mes al dia y compronde e movimento anti-democratico cu ta recoriendo un bon parti di nos continente.

Y ta unda bo kier pa nos studiantenan sigui nan estudionan superior cu e mesun facilidadnan y na e mesun costo cu Hulanda, nos madre patria, ta ofrece nan? Na Cuba? Na cualke otro pais cu ta desprecia bo sagrado “democracia” y a implanta un dictadura feroz na su lugar? Na e universidadnan cu a bira centronan, no di enseñanza, sino di indoctrinacion comunista?

Mi a laga tur bo exposicionnan anterior pasa te awor, pero ora bo yega na e colmo di kier bira un Huez incompetente y un interprete falso di ‘corupcion’, e hemchi a yena y a bira tempo pa expone e odio o rechazo irazonable cu bo ta manifesta den tur bo escritonan, contra Hulanda y tur loke e ta representa pa nos: stabilidad politico, husticia y disciplina, ademas di progreso, respet pa derechonan humano, y ruman mayor cu tey semper pa duna nos un man ora un Gobierno corupto manera esun di MEP crea un situacion financiero asina malo cu e ta exigi su yudanza! Pa mi, ta un inconsciente y malagradecido so por bira lomba pa tur e beneficionan cu nos ta haya di Hulanda, y e sombra benefactor cu e tin colga riba nos isla pa resto di mundo mustra nos e mes respet cu e ta ricibi di tur e paisnan democratico y progresista cu mi conoce!
Nan ta bisa berdad cu “macaco ta hunga cu e wowo di su yiu te ora e sake”, pero den e caso aki esey no ta bay pasa pasobra nos no ta bay permiti abo o hendenan cu bo mesun pensamentonan independentista comete e locura ey cu Aruba. Den e Referendum cu mester tuma lugar pa dilucida e punto ey den futuro, si esey bira e caso, boso derota ta bay ta mes grandi cu esun cu MEP ta bay sufri Diabierna awor!

- Advertisement -

11 COMMENTS

  1. Ta zona mescos cu e cacho cu ta morde e man di su doño cu ta dune cuminda.
    Ami ta desea pa tin e mesun status aparte cu lgo, pero acorda y firma.
    Aruba no ta produci nada pa ta independiente di Hulanda. Of ta venezolano bo kier bira ???
    Ta mal maneho di gobierno y masochismo di e pueblo “social democrata” ta culpable na prome luga. Partido nobo ta welcome tur ora, pero keep ir straight !

  2. Danki na Dios cu Sr. J. Mansur tei, pasobra ta dificil saca mondi for di cabez di un Yewa “BURICO”, pasobra tin hopi hende Corrupto den SECRETO (MASCARA) a drenta Politica cu nan WOWOnan ariba Patrimonio di Pueblo.

  3. Di kiko aruba lo bai biba si nos worde independiza pa e mafia yama Mep? Ni Avp ni Mep ta un bon solucion pa Aruba, nos mester busca nos minister no pa fanastimo barato mas paso e tin un berdadero plan di progreso pa Aruba.

  4. Actualmente, Politicamente no tin ningun ALTERNATIVA mihor prepara cu “AVP” pa e Cambio oh Salbashon di Aruba. Ami a kere cu nunca mas mi no lo mescla cu POLITICA, pero mi tabata eqivoca. Aruba mester di Arubianonan y Stranheronan honesto y cu ta STIMÉ (“Aruba Dushi Tera”) pa Back-up E debido na e CRISIS cu Aruba ta den debido na mal Gobernashon di e di Nel Oduber y su Corrupshon(MEP. Bisa kiko cu bo kier, bula ariba kai abow “AVP” ta e solushon!

  5. Senjor Carlos Severino Tromp

    Mi ta no 100 si no 1000% di acuerdo ku bo ….

    Y Sr. Jossy danki danki pa defende e democracia di nos pais….

  6. Apreciabel Sr. Jossy Mansur, Mi ta gradici Sr. Mansur di tur mi curazon pa tur cos ku Sr Mansur a haci pa e pueblo di Aruba den e seccion Editorial. Danki Sr Mansur pa esei moge onze Lieve Heer U zegenen om Uw goede werk voort te zetten, met veel liefde en wijsheid. Aruba heeft U echt nodig !!! Uw inzet heeft heel veel voor mij betekent en ik ben er van overtuigd dat op 25 september DE VRANDERING zou komen. Mi ta stima Aruba !!! Union ta forsa

  7. Estimado Jossy Mansur:
    Danki cu pa medio di Diario, nos por tin un medio pa pone cosnan recht. Mañan ta eleccion y
    tur hende, hasta esnan cu ta “reluctant” kier mira un gobierno diferente na esun cu a caba di
    goberna pa 8 aña. Dios bendiciona Jossy y Diario. Sigui nos defende nos estado constitucional.

  8. Politica ta justamente esey debate di idea. Pero dicon semper boso mester hinca otro país den boso su problema. Come on, mientras ta compara, waak rond y waak fout di otro Aruba por sali for di boso man.

  9. Na Janine; libertad di expresion nos ta jama esaki, den cual idioma cu bo kier bo mag di expresa bo mes. Si bo tin problema cu esey, pech gehad. btw esey ta hulandes.

DUNA COMENTARIO

Please enter your comment!
Please enter your name here