Home Deporte futbol Division di Honor… Bubali R.E. Yrausquin cu victoria riba Brazil Jrs...

futbol Division di Honor… Bubali R.E. Yrausquin cu victoria riba Brazil Jrs 3-1

3
0
SHARE
- Advertisement -

futbol1ORANJESTAD(AAN)—Despues cu campeonato pasa ningun di dos team no kier a baha cabez pa otro, diasabra ultimo Bubali ta pone fin na rekmento di Kakinja aki y ta dal Brazil Jrs di manera convincente cu e score di 3-1. E orguyonan di Noord ta demostra un superioridad total den e promer tempo y ta piki 2 gol promer cu tabata suficiente pa sigura e wega. E promer ta bin na di 14 minuut ora cu lateral robez,

Gilberto “Pi” Leest ta avanza y ta mira e keeper un tiki for di su posicion y ta pone un tiro/ centro cu ta baña e keeper y ta bay pega den net pa e duna Bubali e ventaha 1-0. Despues di e gol aki Bubali ta sigui tene control di e wega y ta bira doño di e medio campo., dunando Brazil Jrs. poco espacio pa sali bay dilanti.

E delantero Eduardo Tromp ta hanja varios oportunidad pa aumenta e score pero ta faya den e toke final. E di dos gol ta bin na di 32 minuut ora cu “El Topo” Julio Parra ta logra scapa riba e banda drechi y riba un bunita hugada ta kita 2 hungador y ta pone centro den teblachi pa “El Matador” John Villamarin cu di un manera hopi efectivo ta drenta y ta kop e bala den gol pa aumenta e ventaha pa Bubali y haci e wega 2-0.

Despues di e gol aki Brazil Jrs ta cuminsa forza bay dilanti y mediante su rasta connection, Banton Daffrey y Robert Dogley, a trece un poco instabilidad den e defensiva di Bubali, pero Portero Kendrick Dania ta trece trankilidad bek cu algun bon intervenshon. Cu e score 2-0 e promer tempo ta termina.

Segundo Mitad
Brazil Jrs. ta sali un tiki mas dicidi den e periodo aki, y ta cuminsa bira bastante peligroso. Bubali di otro banda no por a logra acopla su medio campo manera mester ta y a pasa algun minuut di basta dolor di cabez promer cu e team por a hanja su ritmo bek.

Asina mes cu e leve dominio di Brazil Jrs. ta Bubali cu ta hanja e mihor oportunidadnan di score, pero atrobe Eduardo Tromp no por pone e bala den net, desaprochando chensnan di pone e wega for di alcanci di Brazil Jrs. E di 3 gol di Bubali ta bin si y ta cai na di 76 minuut ora cu e lateral drechi Stanley Boekhoudt ta avansa riba un hugada y ta pone un centro cu ta baña tur hende, pero cu e veloz “seko”

futbol2Antonio Lopez ta yega y ta pusha e bala den net pa duna Bubali su tercer gol di anochi. Un gol cu a resulta hopi importante ya cu den e ultimo 10 minuut nan di wega Bubali ta bira hopi slordig y ta laga hopi espacio habri.

Espacionan cu e peligroso delanteronan di Brazil Jrs . ta probecha pa crea basta peliger. Na di 89 minuut Brazil Jrs ta score su gol di salba honor ora cu e delantero Andrew Davis ta ser laga su y e ta recibi un pase riba banda robez y sin mucho problema ta pone e bala den net pa pone e score 3-1.

Despues di e gol aki Brazil Jrs ta sigui forza, pero tempo ta bay laganan y e wega ta termina na fabor di Bubali. Cu e resultado aki Bubali ta logra su Segundo Victoria den mes tanto salida y ta suma 6 punto y ta empata cu RCA y Britannia na promer lugar.

Un pabien ta bay na e fanaticada di Bubali cu a responde en grandi na e compromise aki. Un invitacion ta bay pa e siguiente wega cu lo ta diahuebs awor 17 di September ora cu e orguyonan di Noord; Bubali, ta topa cu e naranjadonan di Santa Cruz; Estrella. E tereno di wega lo ta Guillermo Prospero Trinidad y e pitazo iniclal ta pa 8 or di anochi. Yega.. Awo tin Co !!

- Advertisement -

DUNA COMENTARIO

Please enter your comment!
Please enter your name here