Home Hudicial Gobierno ta keda haya cara abao faltando poco pa eleccion

Gobierno ta keda haya cara abao faltando poco pa eleccion

1
0
SHARE
- Advertisement -

Caso di arbitrahe di Refineria Valero riba BBO posponi te fin di september….
ORANJESTAD(AAN):- Cuanto malasuerte bo por tin den bida.Ya caba tin un presion hopi grandi di e pueblo cu no kier mira e gobierno aki sigui goberna.Tambe tin e problema di Valero cu a cuminsa manda hende cas y esaki tambe ta bira un presion hopi grandi pa gobierno.Mientras cu tur e problemanan aki ta birando mas y mas grandi riba e maneho di gobierno awor a drenta otro mal noticia.DIARIO tabata den combersacion cu prome minister Nelson Oduber dialuna atardi y hunto cu minister di finanzas Nilo Swaen el a splica cu nan a haya un yamada den marduga notificandonan cu e sentencia di arbitrahe no ta sigui.

E motibonan no a ser duna segun e dos mandatarionan. E fecha exacto tampoco a ser duna pero loke si a bin dilanti ta cu fin di September e decision lo cay.Prome minister a keda asombra cu net awor algo asina a bin dilanti.

Te hasta e mandatario a medio duda den seriedad di esnan cu ta atendiendo e caso.Mientras cu e noticia malo aki a drenta e dos mandatarionan Oduber y Swaen a sinta na mesa tambe cu dos representante di Petrochina cu a bin Aruba cu nan propocision pa gobierno.

E base di e propocision cu tin riba mesa di Petrochina e gobierno di Aruba lo manda un contra oferta.Prome minister a splica cu gobierno mester haya algo di esun cu lo bin maneha e refineria.
Ainda Petrochina ta na mesa cu esnan di Valero tambe.

Tur cos ta depende di e deal di Valero y gobierno di Aruba na e otro banda pa asina finalmente nan dicidi si lo cumpra e refineria y haci e inversion necesario pa pone e refineria gana placa.

- Advertisement -

DUNA COMENTARIO

Please enter your comment!
Please enter your name here