Home Policial Homber a denuncia Caso serio di maltrato na autoridad

Homber a denuncia Caso serio di maltrato na autoridad

0
0
SHARE
- Advertisement -

Su casa tabata menase y hasta hinke fuera coba e herida cu e sker!
ORANJESTAD (AAN); Tabata parce un tortura formal un homber tabata pasa aden na man di su casa. Despues di ta worde intimida maltrata pasando pesadiya na man di su casa, awor e homber a bin ta basha abao formalmente, hasta e ta worde menaza si e bati alarma na polis… e lo worde asesina.Tabata Dialuna despues di mei anochi, a drenta informe na polis, cu ta solicita asistencia na un cas situa na Santa Cruz.

E prome informe ta menciona cu a hinca muher y e tin diferente hinca na curpa. Hasta segun e informe cu muher Venezolano a bisa cu su casa a hinke, pero e homber no tey mas.

Tur e informe aki a haya un rabo despues. Pero banda di 2’or di marduga a dirigi patruya na un cas den Papilon. Polis a bin topa un homber inicialnan F.M. di 63 aña y e tin hinca na cara wenkbrauw, garganta y tambe na braza.

E homber cu ta naci na Aruba ta bisa polis cu su casa inicialnan L.M.G.M. naci na Venezuela di 47 aña a pidje pa cumpra droga. Ora cu F.M. a nenga di haci esaki debi cu e no tin placa, problema a start.

E muher a hinke cu sker den su braza y a draai coba e hinca pa haci e herida mas grandi.
Un dolor inmenso, acopla cu e posibilidad di infeccion severo, e homber a pasa aden cual a pone reacciona y a dal e muher.

E situacion a bira peor ya cu e muher a bira razo. Consecuentemente segun e F.M. su version na polis, cu el a haya obliga pa core pa su bida pa evita e muher mate.Segun e homber ta sigui declara, desde dia el a casa cu e muher e ta bibando den un pesadiya y amargura. E muher segun F.M. a bisa, tin yiu grandi na Venezuela y hasta nan a menaze si e mester bay entrega keho , nan lo bin Aruba y ora nan yega nan lo asesine.

Esaki no ta tur segun e version policial F.M. tambe a agrega cu den pasado e muher a bate cu biga te cu su braza a kibra tambe a hinke cu sker chikito.

E muher, segun e homber, ta busca tur manera pa kita cas for di dje hasta denuncia falso e muher a entrega contra di su persona. E muher a bay asina leu di a bisa polis cu F.M. a paga hende pa viole. Siendo segun F.M. cu ta su persona a yega cas y a descubri e muher cu un otro homber den cama.

F.M. a declara tambe na polis, cu e muher a pone cu tur hende a aleha for di hasta su mesun famia Tur ora e muher ta conta cu e homber ta maltrate pero esaki ta net contrario. Hasta a socede cu F.M. a yega conta busca ayudo cerca polis kico e ta pasando aden, pero nan no tabata kere su storia. E ta sinti cu ningun hende no ta saca un dede, ni na departamento social.

Mientras tanto ambulans a presenta na Papilon, paramedico a atende F.M. y nan a transporte mesora pa hospital.Polis a considera e caso aki hopi serio, pero F.M. tin miedo pa yiunan di e muher presenta na Aruba pa bin mate.

Finalmente patruya bay na e cas na Santa Cruz enbusca di e muher venezolano, pero e no tabata tey.Pero riba Diamars, segun informe polis a localiza y a detene L.M.G.M. pa intento di asesinato fuera pa maltrato serio.

Awor si pueblo tin di cuminza kere e storia di e homber aki, y mester haci algo contra e muher aki!

- Advertisement -

DUNA COMENTARIO

Please enter your comment!
Please enter your name here