Home Hudicial Huez no a kere storia di acusado y a dune 6 aña...

Huez no a kere storia di acusado y a dune 6 aña pa importacion di droga

3
0
SHARE
- Advertisement -

ORANJESTAD(AAN): Diabierna na corte di husticia, huez a duna su veredicto den e caso contra e Colombiano Ramon S.C.G, kende a wordo acusa di a drenta Aruba cu un boto cu droga.
En total a haya 60 kilo di cocaina y 9 kilo di marihuana.Huez a bisa cu el a haya suficientemente comproba cu e acusado a hasi su mes culpable di ta complice di importacion di droga.Durante tratamento di e caso, e acusado a bisa cu el a wordo acerca pa traficantenan pa e bay riba e boto y cu nan a menaze.
Nan a bise cu si a caso e droga wordo descubri, e lo mester tuma responsabilidad pa esaki, sino nan lo hasi su famia daño.Huez a indica cu e no ta kere e storia aki.

El a splica cu ta straño cu cerca polis y huez comisario e no a declara esaki, siendo cu durante tratamento di e caso dos siman pasa, diripiente el a dicidi di bisa cu nan a menaze.

Huez a bisa tambe cu no ta normal cu traficantenan den droga ta bay acerca un persona cu no tin nada di haber cu e droga, pa yuda nan bao di menaza.Segun e huez, droga ta causa hopi problema den un comunidad.

Banda di e aspectonan hopi negativo di adiccion di droga, ta bin acerca e criminalidad relaciona cu e droga.Adictonan por ehempel ta causa hopi molester den un comunidad, door di horta tur caminda, pa nan por bende e articulonan horta pa yega na placa pa cumpra droga.

Huez a dicidi di duna e acusado un castigo incondicional di 6 aña, kitando e tempo cu el a sinta caba.E tin dos siman pa dicidi si e kier apela decision di huez.

- Advertisement -

DUNA COMENTARIO

Please enter your comment!
Please enter your name here