Home Hudicial Huez ta haya e dificultad di duna acusado su citacion, hopi fastioso

Huez ta haya e dificultad di duna acusado su citacion, hopi fastioso

1
0
SHARE
- Advertisement -

JudicialORANJESTAD(AAN): Javier A.A mester a presenta dilanti di mesa berde Diahuebs, door cu el a wordo acusa di ladronicia di un portmoni di hende usando violencia, riba 30 di Augustus 2007.
E violencia ta encera cu J.A of su complice lo a tene e homber na su braza y mande pa vloer.
J.A a wordo acusa tambe di a horta un laptop riba 19 di Augustus 2008.E no a aparece na corte y huez a repasa e proceso di manda citacion pa e acusado.
Ta asina cu e deurwaarder ta encarga pa busca adres di e acusado y dune e citacion.
Ora e no wordo haya, ta duna un persona na e cas pa dune, ta laga esaki den brievenbus, of ta mande cu post.

Den e caso aki nan no a haya e persona y e carta di fiscal a wordo manda pa J.A cu post, manera ley ta prescribi.

Fiscal a pidi huez pa pospone e caso, pa e acusado por ta na corte y indica si e lo ta dispuesto pa hasi trabao pa comunidad.

Abogado Dowers-Alders a splica cu su cliente a bisa cu e no a uza violencia. El a splica cu nan a haya e cartera banda di e homber riba caminda y nan a horta esaki cu 100 florin aden.
Huez no a gusta e hecho mucho cu un biaha mas riba mesun dia tabata mustra manera e acusado no a ricibi su citacion pa e caso.

El a bisa fiscal cu esnan di O.M encarga cu e parti aki di e proceso, mester hasi un mihor esfuerzo pa e acusado ricibi su citacion. Segun huez, tin asina tanto caso cu mester wordo trata y e proceso ta tarda mas ainda, si cada bez mas caso mester wordo posponi.

E deurwaarder di corte a splica sinembargo cu tin varios caso den cual ta hopi dificil pa entrega e citacion na e persona.

Den e caso aki mes, J.A ta un persona cu ta biba riba caya, pues e no ta facil pa haya.
Huez a dicidi di pospone e caso te cu dia 10 di December.

- Advertisement -

DUNA COMENTARIO

Please enter your comment!
Please enter your name here