Home Deporte Hut Predators no a ni ril pa Classic Johnsons

Hut Predators no a ni ril pa Classic Johnsons

0
0
SHARE
- Advertisement -

billiardORANJESTAD (AAN)— E weekend cu a pasa tabata tin e tan spera encuentro entre e actual campeon ““Hut Predators”” y e team number 1 den standing actual ““Classic-Johnsons”” den Trappers Club na Sta. Cruz. Un wega hopi anticipa ya cu ariba papel ta trata di e dos teamnan mas duro na Aruba, kendenan lo a “fula puls” anticipando cu ta nan dos lo yega final. Vocero oficial di “Hut Predators” a laga sa cu nan a ni “ril”, ni “puf”, ni “oel” pa nan encuentro contra Classic-Johnson! Sin embargo, testigonan presente a declara cu tabata un bataya ariba un nivel sumamente halto y cu mes un fasil cos por a Sali mahos pa “Hut Predators”!
“Hut Predators” a habri ferozmente cu su sicario, Elvis “Le Bon Bon” Evertsz, kende ta shoot down Speedy Kock den 3 rack! Comentario di fanatico ariba e wega aki no tabata tin ya cu tur presente a keda “sprakeloos” di e caliber di Elvis su wega, un horcan categoria 5! “Hut Predators” pues ta ariba cu 1-0, pero Martin Apeldoorn di Classic-Johnson ta caba cu tur ilushon di Ransley “psaiko” Tromp cu score di 3-1! Esaki si a resulta un size di slof “een maatje te groot” pa Ransley!! Classic ta empata na 1-1.
Den un wega tremendamente emocionante, Edwin Chirino a probecha di error di Ronald “Tico” Geerman, y cu score preta di 3-2 Edwin a impulsa “Hut Predators” na un bentaha di 2-1. Un bentaha sine mbargo cu ta dura un paar di minuut ya cu “Master” Ryan Rampersaud a pone Dufi “Perde di Mes” Ras, plaaaat abou cu score di 3-0! Classic-Johnson un biaha mas a nivela cuenta na 2-2!
Den doubles e duo di “Hut Predators” a resulta di ta un caliber demasiado halto pa Hubert “Huub” de Cuba y Quichi Wu! Cu score comfortabel di 2-0, Juan “El Diablo” Ridderstap y Wilfred “100% Sultz” Tromp a impulsa “Hut Predators” na un bentaha di 3-2.
Aki ta caminda cu Classic-Johnson a hinca otro astro den wega, nada menos cu Allan “zero-thunder” van Aanholt pa nivela score, pero Allan a dal den un muraya duro di beton ora e enfrenta e wega superior di e actual campeon hubenil Markito “E ta posibel!” Farro!! Fanaticonan a goza di un wega ariba un nivel super halto y na final Markito a gana nip-nip cu score di 3-2!! Slaaaa.com pa Classics y “Hut Predators” ta yega top cu score di 4-2!!
Patrick Tromp di Classic-Johnson ta mustrando cu keto bay e ta un hungado di caliber ora cu fasilmente e ta domina Fredley “Spechoit” Tromp cu scored I 3-0 p di e forma ey tene Classic na bida y corta bentaha te na 3-4. Sin embargo ora di bay cas a bati ora cu nada menos cu Arie “rifleman” Jansen demostra cu Classic su cartuchi nan a caba ora e ta dal Wu benta abao cu score di 3-1! Cu score di 5-3 “Hut Predators” ta duna tur indicacion di ta na caminda p’e tantisimo titulo di campeon den decada actual, y fasilmente ta keda sin “ril” p’e presion di su contrincante mas serca den ranking, Classic-Johnson.

- Advertisement -

DUNA COMENTARIO

Please enter your comment!
Please enter your name here