Home Social Infoman nv a celebra 10 aña di servicio

Infoman nv a celebra 10 aña di servicio

3
0
SHARE
- Advertisement -

infoman1ORANJESTAD (AAN): Diez aña a pasa di e dia cu Infoman NV a habri su portanan na Bucutiweg na 1999, prepara pa ofrece solucionnan completo di sosten di IT na nos comunidad local. Infoman mas despues a muda pa de la Sallestraat, y a expande su menu di servicionan. Mas cu mita decada pasa e compania a establece su mes na su oficina principal actual na Arendstraat.
E compania su declaracion di mision, manera a ser crea pa Director Gerente Frans Brinkman, a aspira pa ofrece e miho servicio y sosten posibel di IT na e comunidad comercial local na prijsnan rasonabel, un meta cu a worde cumpli facilmente pa companianan di tamaño grandi pa mediano, y tambe representando companianan di hardware y software, manera Aloha, e sistemanan di restaurant, sistemanan di Quicksell Retail Point of Sale, Business Vision y Timeslips.

Infoman NV actualmente ta duna trabao na cinco tecnico altamente cualifica pa sostene clientenan cu solucionnan di software y hardware. Ademas di e tecniconan, un di cual ta Brinkman, Infoman tambe ta conta cu un ekipo talentoso di sosten administrativo di accounting.

Hunto e famia di experto di IT ta sostene un variedad grandi di cliente den tur mercado, for di companianan di accounting pa profesionalnan medico, tiendanan di benta, boticanan, pacusnan di paña, tiendanan di hardware, companianan di palo, tiendanan di prendanan y ekipo electronico, oficinanan di abogado, hotelnan, restaurantnan y agencianan di importacion.

E compania su proyecto special mas recien ta e instalacion di Net Nannies, cual ta restringi e acceso cu muchanan tin riba internet na cas, yudando mayornan pa supervisa e actividadnan di nan yiunan riba computer.

Riba e potretnan por mira, disfrutando di algun bebida bon frieu, Gerente di Oficina Glyn Morgan, expertonan tecnico Gert Jan, Tony, Alvin & Gianno, Elbert e ingeniero di sistema, Nachma, Yvonne & Joanda for di administracion y varios invitado.
E compania su lema ta bisa tur cos : “We do …IT… for you.”
Exito cu e siguiente 10 añanan!!

- Advertisement -

DUNA COMENTARIO

Please enter your comment!
Please enter your name here