Home General Jossy M. Mansur: E weganan Politico improductivo di MEP!

Jossy M. Mansur: E weganan Politico improductivo di MEP!

0
1
SHARE
- Advertisement -

jossy_mansur_pic“Den boso desesperacion, boso ta apelando na asuntonan descabeya, pasobra na lugar di crea un impresión negativo den e Pueblo votador, nan ta crea un speranza mas, especialmente pa Democracia Real, cu boso kier pinta berde sabiendo cu su color ta cora.“Ora boso relacionami cune, y cu mi sobrino Serge en especial, keremi cu boso no ta logrando ningun impacto negativo pa nan den e campaña aki! Riba su mes, Serge a demostra di ta doño di un cerebro ecuanime y creativo pa e bienestar di su isla. Ademas di ta un graduado universitario, e ta tambe un candidato sin historia di corupcion o cualke otro cos parecido na dje. Boso por bisa mescos di boso candidatonan prominente riba lista?

“Y pa loke ta trata e resto di e dirigencia di Democracia Real, permitimi bisa boso claramente cu si mi ta di escoge cualke relacion politico den e arena actual cu cualke lider di partido, lo mi opta pa dos, y solamente dos: Mike Eman y Andin Bikker.

Di Mike no tin nada mas cu mi por agrega, pasobra e ta e verdadero lider di Pueblo Arubiano, comproba sin lugar na duda. Djis mira cuanto voto el a logra, y corda cu un voto no ta djis un pida papel cu un circulo berde cu bo ta yena, sino cu cada voto ta e cara mes di cada miembro individual di nos Pueblo, di nos comunidad! Multiplike pa mas di 6 mil y bo ta haya sa cuanto aprecio y apoyo e tin den e comunidad votante!

E sosten na dje a bira gigantesco, y esey lo keda comproba Diabierna awor! E por hasta duplica e cantidad di votonan cu el a logra eleccion pasa!

“Y pa loke ta trata Andin Bikker, keremi cu aki ta trata di un di e personanan mas competente den nos comunidad. Mi ta considere un experto comproba riba tereno financiero, un genio pragmatico den e campo Legal, y un lider di partido cu a logra trece hunto un verdadero ekipo di calidad pa goberna.

“Sigui manifesta boso desesperacion numa, pasobra despues di dia 25, Pueblo ta bay core cu boso malamente di Gobierno, como castigo pa e mal Gobierno cu boso a presenta durante e ultimo 8 añanan.

Ta AVP ta bay sali prominente den e resultadonan, y Democracia Real lo asumi e di tres lugar. E razon pa nan aceptacion ta simple: ta dos partido anti-corupcion, anti abuso di poder y anti e empobrecimento continuo di Pueblo na fabor di friends and family, ademas di ta pro nos pasaporte Hulandes y nos relacionnan continuo cu Hulanda, Europa y Merca!

“Por ultimo, no tabata mi intencion di participa mes den e campaña aki; lo mi a prefera di keda afo completamente, pero ya cu Nel y su MEP corupto ta insisti di hincami den e arena, mi ta cla y dispuesto pa acepta e reto.

Lo mi duna mi aporte pa e cambio imprescindible di Gobierno sin acudi na e pisicina di mentiranan den cual e dirigencia di MEP ta landa tur dia. Esey ta causando un degeneracion total di e partido cu Betico a funda, pero cu a cay den e garanan di un set di bandido bao e guia di un indeciso cu ta prefera di cera wowo pa nan bagamunderianan na lugar di pone un fin na nan! Betico mes a bisa Nel:

“baha prome cu bo zink Aruba!” Como cu e no kier a obedece e lider autentico di MEP, awe difunto, ta Pueblo mes ta bay bahe sin contemplacion pa cumpli cu e mandato di kende ta keda como e unico verdadero lider di MEP: Betico Croes!

- Advertisement -

1 COMMENT

  1. Ami si ta kere “AVP” ta bai GOBERNA su so despues di 25 september Y cu 12 asiento, esaki pasobra e Opreshon/Corrupshon di Nel Oduber(MEP) a lanta Pueblo di Aruba for di soño y Pueblo bira sabí ya cu Pueblo a mira awo cu ni un KIPASHI e no por cumpra mas mientras tin un Grupito ta come Pan-Dalbai.

DUNA COMENTARIO

Please enter your comment!
Please enter your name here