Home Politica Juan David Yrausquin durante programa “Un dia den bida”

Juan David Yrausquin durante programa “Un dia den bida”

0
0
SHARE
- Advertisement -

juanirausMi ta cla pa bira un representante critico den Parlamento di Aruba
ORANJESTAD (AAN): “Mi no ta tuma e posicion di minister si mi saca mi mes”, asina Juan David Yrausquin a sigura tur hende durante su entrevista den e programa Un dia den bida na Telearuba. Den e programa aki di 1 ora largo, a puntra Juan David Yrausquin riba su plannan y vision pa cu politica. el a splica cu e kier trece un berdadero cambio den Parlamento y cu e ta convenci cu AVP ta e unico partido cu tin un team bon prepara y un plan adecuado pa realisa e cambio aki.


Di acuerdo cu e candidato number 29, el a scoge e number aki paso e no ke drenta parlamento cu cabei di boto di e lider. Su meta ta pa logra saca su mes pa e por drenta parlamento riba su propio meritonan, pa asina e por eherce e trabao di un parlamentario critico.

Hasta riba su propio coleganan di partido. E ta conciente cu ta sacando su mes so e por ocupa un puesto den Parlamento pa cual e ta conta cu e sosten di pueblo den e siguiente eleccion.

Juan David Yrausquin a conta di su experiencia den maneha negoshi y den e puesto di Presidente di ATIA pa algun aña. Durante su periodo como presidente di ATIA el a a sa di demostra cu e no ta un “ja-knikker” pa cual motibo na multiple occasion e tabata blanco di critica pa parti di gobierno como tambe pa parti di oposicion.

E hoben di 29 aña a splica cu si e gana e confianza di pueblo den e siguiente eleccion, pueblo lo por conta cu un voz critico den Parlamento, cu no ta bay di acuerdo cu tur cos djis pasobra ta su propio partido ta bini cune.

E ta sinti cu e ministernan, no obstante cu nan tin mayoria den Parlamento, mester ta conciente cu nan mester convence parlamento di nan idea y plannan como tambe responsabilisa nan mes na e organo mas halto di nos pais.

“Nos mester duna Parlamento e respet cu e merece y dune e importancia mereci tambe. Mi ta bolbe bisa, AVP tin e mihor team y e mihor plan”, asina e hoben politico a expresa durante e entrevista.

Despues di e entrevista aki, Juan David Yrausquin a topa cu hopi palabranan di elogio, specialmente riba su pagina di Facebook. Pa esnan cu no a logra sintonisa e programa “Un dia den Bida” di Diaranzon ultimo, nan por mira e ripiticion diasabra awor dia 5 di September pa 10or di anochi na Tele Aruba.

Meta di Juan David Yrausquin ta pa haya sosten di pueblo pa asina e por eherce e funcion di un parlamentario critico cu tin Curashi pa percura pa un Aruba mas Husto y Duradero. Juan David Yrausquin ta bisa cu Curashi lo ta e gasolin cu lo fuel su motor pa asina logra e meta aki. Curashi pa porfin pone Aruba na promer lugar!

- Advertisement -

DUNA COMENTARIO

Please enter your comment!
Please enter your name here