Home General Kiwanis Club cla pa nan“Alaskan Wine & Cheese Party”

Kiwanis Club cla pa nan“Alaskan Wine & Cheese Party”

2
0
SHARE
- Advertisement -
Giantonio Muller y Bob Spellen
Giantonio Muller y Bob Spellen

ORANJESTAD (AAN): DIARIO a tene un entrevista cu Lt. Governor of Division 26 di Kiwanis Club of Aruba y organizador di e Alaskan Wine & Cheese Party, Sr. Robert “Bob” Spellen relaciona cu e evento aki cu lo tuma lugar na Renaissance Convention Center dia 26 di September di 8’or di anochi pa 2’or di madruga.
E meta di e evento aki ta pa recauda mas fondo posible pa asina yuda muchanan di nos comunidad den necesidad Sr. Spellen a bisa, kende tambe tabata acompaña pa Sr. Giantonio Muller miembro di e organizacion di servicio.
Manera nos a trece dilanti caba den un articulo anterior, e entretenimento pa e anochi aki lo ta na encargo di dos top banda na Aruba, esta Robert Jeandor & Solo Banda Show y Tsunami.
E contribucion pa e fiesta ta bay ta un suma pa pareha y e suma aki ta inclui entrada, tur e biñanan y keshi pa e anochi. Tambe ta inclui un plato di cuminda, a señala.
Un aspecto cu ta bon pa destaca, ta cu sigur, tin personanan cu ta interesa den bira miembro di un organizacion di servicio manera Kiwanis Club.
Segun Sr. Spellen pa un persona por bira miembro di Kiwanis Club e por acerca cualkier di e miembronan activo. Pero si bo no conoce ningun persona cu ta miembro por yama un di e dos Kiwanis Club na Aruba, esta Kiwanis Palm Beach of Kiwanis Club of Aruba y bisa cu bo ta interesa den e trabao cu nan ta haci y cu bo tambe kier bira parti di dje.
“Automaticamente nos ta abraza bo y nos ta hinca bo den e club”, a expresa.
A agrega cu esey ta e meta di Kiwanis, mas miembro nan ta haya, mas ayudo nan por haci ya cu ta dos man ta bin acerca cu por yuda entre otro bende carchi, organiza un actividad, etc.
Bob Spellen a indica cu algo importante ora un persona ta miembro ta cu nan mes fisicamente tambe ta traha den dje. Instalacion di un playground na un school, por ehemplo, e miembronan mes ta hacie manera a sosode recientemente na Bibito Pin.
Ora cu nan tin nan eventonan, a bisa, nan mes ta bay traha cune, sirbi, yuda y wak kico mas por wordo haci, a bisa.
E wine & cheese, ta un proyecto grandisimo y na Januari caba nan a cuminza cune cu e planning. Semper tin trabao den dje unda no solamente mester di ayuda, pero tur ayuda cu por haya hunto ta creando un armonia mihor bao di otro unda por ripara cu te hasta ta mehora e personahe, nan mes, a declara.
Hendenan cu kier bira miembro di Kiwanis Club por yama libremente y comunica cu Sr. Spellen na 733-0092 of cu Sr. Muller na 593-3414. Tambe pa haya mas informacion por bishita nan website www.kiwanisaruba.org y aplica e ora ey pa bira miembro of pa cumpra ticket pa nan proximo actividad.

- Advertisement -

DUNA COMENTARIO

Please enter your comment!
Please enter your name here