Home Policial Ladron a haya un Ford cu motor cendi y a bay cune

Ladron a haya un Ford cu motor cendi y a bay cune

1
0
SHARE
- Advertisement -

ORANJESTAD (AAN): Tin un cantidad di chofer, kendenan ta riesga ainda di djis baha un rato for di auto y ta laga atras sea motor cendi y yabi den switch. Sin pensa cu tin ladron ta probecha di bula den nan vehiculo y baha bay cu esaki.Diadomingo algo pasa di mei anochi a drenta informe na central di polis cu un homber a baha for di Ford Explorer SporTrac y drenta den Lally’s Snack.” Den un fraccion ladron a probecha di bula den e Ford y baha na awa cu e vehiculo.

Na momento cu e chofer a regresa el a constata cu su auto Ford SporTrac A-21781 a desaparece. Denunciante a keda planta cu su cuminda, mientras ladron ta den su paranda cu su auto.

Ta sugeri automobilistanan pa tene debido cuenta cu ladron ta djis den skina ta loer pa hit cualkier persona. Polis ta tuma nota di e caso a notifica tur unidad pa tira bista riba e Ford SporTrac.

- Advertisement -

DUNA COMENTARIO

Please enter your comment!
Please enter your name here