Home Hudicial Specialista Dr. Vallejo a keda incomunica y sin secretaria

Specialista Dr. Vallejo a keda incomunica y sin secretaria

8
0
SHARE
- Advertisement -

disconnectedPosible represaya despues cu Huez a dicta sentencia na su fabor!
ORANJESTAD (AAN) – Pacientnan cu ta marca e number 587-8890, cual ta pa comunica cu dr. Carlos Vallejo na su oficina situa na Hospital dr. Carlos Vallejo, ta bin scucha e grabacion di SETAR, cu ta bisa cu e number no por worde completa y pa check e number atrobe. Pero no solamente via telefon nan no por comunica cu e specialista. Si nan ta bay personalmente na e oficina ta bin confronta cu e hecho cu nan a kita su Secretaria tambe.

Cu otro palabra, e Neurociruhano docter Carlos Vallejo, ta completamente incomunica di su pacientnan y di pueblo en general. E pregunta cu ta worde haci ta si tin mas represalia contra e specialista, despues cu Huez mes a sentencia na su fabor!

Un falta total di respet no solamente pa e specialista pero tambe pa su pacientnan cu mester bin cerca dje pa consulta, control of tratamento. Ta parce cu esnan concerni na HOH- of AZV, pasobra e pacientnan no sa exactamente ta ken, ta hopi mal gradici, pasobra cu e fabor di Dios na prome lugar, na Aruba ta hopi e personanan cu ta gradici dr. Vallejo cu a scapa bida di un ser keri, incluso apesar cu otro docternan a yega di duna pronosticonan masha negativo y pesimista.

Pero e conocimento, experiencia y profesionalismo sin duda algun, di docter Vallejo ta asina grandi, cu e sa con pa actua y kico pa haci pa agota tur posibilidad pa, no obstante e circumstancianan desfavorable cu por tin, yuda un pacient grave, manera a sosode cantidad di biaha na su man cu el a haci posible loke pa otronan tabata imposible.

DIARIO tin entendi cu pronto dr. Vallejo lo notifica pueblo di Aruba en general y su pacientnan en particular, unda nan por localize.

- Advertisement -

DUNA COMENTARIO

Please enter your comment!
Please enter your name here