Michelle Winklaar di Partido AVP
Aruba a goza di e gran Parada di Victoria
ORANJESTAD (AAN): “Di berdad cu e evento tabata un bon oportunidad pa topa hopi hende atrobe y pa yama nan danki pa e sosten y apoyo ricibi den campaña”, asina Michelle Winklaar di Partido AVP a cataloga e parada di victoria di diadomingo ultimo. E candidata number 7 riba e lista di AVP a logra algo mas cu mil voto riba su nomber den su prome salida como candidata riba e lista victorioso di Partido AVP.
E hecho cu Partido AVP a bay tanto padilanti asina den voto ta pa motibo di e plan “Aruba Ariba” cu e Partido tin cla pa ehecuta y e team di profesionalnan cu ta cla y dispuesto pa hiba Aruba na e siguiente nivel.
E enthusiasm grandi aki por a sinti di tur esnan den e parada como tambe esnan banda di caminda cu tabata sperando riba e candidatonan pa saluda. Michelle Winklaar a bisa despues di e parada di a goza masha di e hospitalidad y e amor cu e publico na banda di caminda tabata expresa pa henter e ekipo di AVP.
“Mi mes no por a keda henter e parada pasobra mi mester a bay mira mi mama den hospital. E tambe a goza y a sigui tur movecion via radio y television”, segun Michelle Winklaar a splica.
E candidata cu a campaña cu e lema profesional cu curason awor ta cla pa cuminsa traha y cumpli cu loke Partido tin den su plan “Aruba Ariba”.
Carlos Severino Tromp
Dios bendishonabo cu sabiduria sta/sra. Michelle Winklaar, danki Dios bo tei, hopi pabien pabo, bo cas y “AVP” cu tin homber y muhernan bon prepara (EDUCA) pa Salbashon di Aruba y su pueblo.