Home General Mike Eman a proba cu BBO ta catastrofal pa e Refineria

Mike Eman a proba cu BBO ta catastrofal pa e Refineria

1
0
SHARE
- Advertisement -

emanvalero3ORANJESTAD(AAN)—Durante di e confrencia di prensa di A.V.P. dialuna mainta, e lider di partido mr. Mike Eman a elabora ariba e situacion preocupante na Aruba relaciona cu seramento di e refineria di Valero.Mr. Mike Eman a mustra cu documento y argumento cu BBO ta catastrofal pa e refineria na Aruba y cu Valero desde 2007 a haci esfuerzonan pa yega na un areglo cu Gobierno pa por garantiza e viabilidad ariba termino largo di e refineria y paga su “fair share” na gobierno di Aruba..
E proposicion di Valero ta pa entrega e Tax holiday cuatro aña prome cu e vence y paga un 50 miyon florin pa aña na winstbelasting a cambio di kitamento di BBO ariba exportacion.
Esaki lo a garantiza viabilidad di e refineria na Aruba ya cu por haci e inversionnan cu ta necesario pa mantene e refineria den condicion competitivo. Gobierno di Aruba a rechaza e oferta di Valero dos aña pasa y ta continua haciendo esaki. Tambe documentonan cu mr. Mike Eman a presenta ta mustra cu Valero kier garantiza e viabilidad di e refineria ariba termino largo y mantene un posicion competivo ariba mercado mundial.
E ley di BBO manera cu e ta, ta menaza e meta simple aki. E documentonan ta mustra cu durante di ultimo añanan Valero a inverti 500 miyon dollar den e refineria y tin plannan pa inverti 1 biyon den añanan cu ta bin pero cu e intransigencia di parti di gobierno di Aruba ta haci esaki masha inprobable.
Mr. Mike Eman a trece padilanti cu e ta reta sr. Nelson Oduber pa un debate ariba seramento di e refineria pa tur hende sa kende ta responsable pa ciere di e refineria. Kiko BBO ta haci pa Aruba.
Den industria turistico ya nos a perde 3000 cupo di trabao.
Awor 700 tata di famia ta bai cas y hopi mas lo sigui ora cu completa e shut down. E lider di A.V.P. a enfatiza cu Gobierno tin un nomber y esey ta Nelson Orlando Oduber kende ta intransigente.
Tabata tin solucionnan posibel pa K.L.M. y Carnival Cruises mescos cu den e caso di Valero si tin un gobierno cu por negocia.
Tambe mr. Mike Eman a reta sr. Nelson Oduber pa pone su plannan ariba mesa pa e proximo gobernacion pasobra a tende cu e ta dispuesto pa forma coalicion pa e por keda den gobernacion.
E por keda den gobernacion. Sr. Mike Eman a sigui bisa cu esaki ta cos cu tur hende na Aruba mester tene bon na bista, e partidonan chikito, cu si MEP sigui den gobierno nos ta bai haya BBO di 6 por ciento, mas desempleo y mas criminalidad. E lider di A.V.P. a bisa tambe cu e cuenta di autonomia, pueblo no ta kere e cosnan ey pasobra si tin un partido cu ta pone nos perde nos autonomia, esaki ta partido MEP.
Pasobra of Hulanda ta interveni pa motibo di e corupcion di e gobierno aki of ta bin polarizacion entre Gobierno di Aruba y Gobierno di Hulanda cu Hulanda ta bisa cana e caminda di independencia, laga e pasaporte hulandes cay.
“Cu partido AVP pueblo por ta sigur cu nos ta mantene Status Aparte, pasobra nos a prueba caba cu nos por carga gobernacion di nos pais sin intervencion di Hulanda”, el a laga sa..

- Advertisement -

DUNA COMENTARIO

Please enter your comment!
Please enter your name here