ORANJESTAD.(AAN); —Marduga riba diahuebs a solicita presencia di polis na Moemba beach y e prome informe a menciona cu ta trata di pelea.Na yegada polis ta topa cu e homber inicialnan M.F. di 20 aña naci na Canada.Segun e Canades su version cu e ta hunto cu su señora Canades di inicialnan L.F. di 22 aña canando na e establecimento menciona. Y e lo a confronta hopi problema cu un grupo di hende homber cu ta persigui su muher.A base di esey su muher a haya miedo y cuminsa di hasi fastioso.
Na dado momento segun e homber a declara, su señora kier a bay cu su amigonan rumbo pa hotel., pero e homber a persigui su señora.
Polis despues di a scucha e version a bay averigua un que otro y a resulta cu e muher Canades a kibra holoshi di un tal P.
E homber Canades a laga sa cu e no conoce e tal P y pa cual e no tin nada di papia cune. E homber P. a insisti cu tin cu paga su holoshi.
Parce cu e muher Canades no solamente a kibra e holoshi pero tambe un stul cu lo ta pertenece na Hadicurari.
Ora cu polis a nota cu e muher no ta razona y a bira hopi fastioso agentenan a dicidi di hiba e muher warda pa e calma.Banda di tres’or ora cu e muher a calma, patruya a hibe su hotel.No ta conoci con a para cu destruccion di tanto stul y holoshi.
