Home Editorial Mundo no to caba dia 25!

Mundo no to caba dia 25!

2
3
SHARE
- Advertisement -

jossy_mansur_picEDITORIAL:  Tin hende ta cana rond cu e idea cu mundo ta bay caba dia 25 di September, ora cu e resultadonan di eleccion bira conoci, y nan partido bay keinta banki di oposicion. E idea ey so ta yena e fanaticonan di bril di palo cu veneno, odio y rencor contra esnan cu no ta pensa mescos cu nan y ta boga pa un cambio sumamente necesario di Gobierno.Como cu nan ceguera politico no ta bay haya razon cerca Pueblo, nan ta opta pa stroba cu violencia, obstaculiza cu griteria, y ofende cu un letania di insinuacionnan mahos tur loke nan por inventa contra nan contrincante. Nan ta subi caya pa stroba paradanan pacifico, tira cocktail molotov contra trailernan sin ocupante den horanan di anochi, destrui propiedadnan di otro partidonan, insulta polis cu tin e dificil tarea di obliga tur hende, sin excepcion, cumpli cu e Leynan di nos pais, enfin, pasa man pa un anarkia rechazable den cualke democracia, y manda cartanan anonimo di menaza! E ta un decadencia cu ta bin di un resentimento social incurable.

Shonnan, tume di mi pa loke e bal: mundo no ta bay caba cu eleccion! Cua partido cu resulta e ganador ta pasobra Pueblo, cu ta e soberano, a dicidi na su fabor! Mi no ta cansa di ripiti, especialmente pa e man yen di hendenan cu tin un bril di palo pega cu crazy glue riba nan wowonan: no ta partido, ni Gobiemo tin e poder verdadero na Aruba o na cualke otro pais! Ta Pueblo tine cu su voto, pasobra cune e por premia esnan cu ta traha pa Aruba y castiga esnan cu ta traha cu maldad contra dje. Esey ta e realidad intragable pa e coro di friends and family, y nan ayegadonan, cu nan tin di bay enfrenta despues di eleccion.

E decadencia politico y democratico cu tin na Aruba actualmente no ta e resultado di fracasonan fortuito, sino di e inferiordidad real di un man yen di mandatario corupto cu a crea rikeza pa nan mes forzando e empobrecimento di e mayoria di Pueblo. Si nan inadaptabilidad na e normanan di decencia den e maneho di e propiedadnan publico continua, kico lo resta di Aruba? Si nan haya e oportunidad pa redobla B.B.O., subiendoe te 6% cumulativo, ta na cua nivel di reduccion e poder di compra di e mayoria di nos hendenan ta bay yega? Kico bo por spera di esnan cu pa capricho, arogancia di poder y incapacidad a pone nos perde KLM, Carnival Cruise Lines y awor Valero?

Si e anemia cu tin un parti di nos Pueblo anikila no ta mortal, ta kico tin mester pa sacudi nan consenshinan? Si ta mas cu comproba cu e ultimo 8 ananan tabata e periodo mas tristo den e
analnan di nos isla, y cu a pone Aruba den un posicion asina vul¬nerable, y Pueblo den un posicion financiero asina catastrofico, anto a yega e hora pa eherce e esfuerzo supremo pa busca e destino cu nos isla merece, votando pa e formacion di un Gobierno depura, honesto, limpi, positive y trahador.

No ta MEP ta sufri ora e propiedadnan di Pueblo ta ser regala o bendi na baratiyo na e campanadornan politico di Marisol; ta e dononan legitimo cu ta e Pueblo mes di Aruba ta sail perhudica. No ta Nel o su consorcionan miyonario ta cay den desesperacion ora cu un empresa di gran magnitud economico dal su portanan cera, ta e miles di trahadornan cu ta keda sin un entrada fiho! Ta nan stabilidad economico ta ser perhudica, noe rio di placa cu ta core di e caha di Gobierno pa e saconan di e mandatarionan y nan friends and family! Pueblo no por declara su mes moralmente conkistable pa un man yen di corupto, ni bira un ciego voluntario pa nan abusonan, y keda sin impone un castigo ehemplar pa tur nan maldadnan dia 25! E no por laga oro substitui su dignidad! E no por bende su consenshi pa un par di florin!

Gibbon, e gran historiador, a laga pa nos un ehemplo di e ‘modus operandis’ politico mas barata cu ta exist!! E ta conta cu un tal Veratius tabata recore e cayanan di Roma, sigui pa un asistente cu tabata parti buscuchinan di mazapan, y tabata tin un saco yen di placa larga cu e tabata reparti entre esnan para banda di caya pa calma e recriminacionan di e victimanan cu binticinco moneda di coper. Asina, hasta durante e Imperio Romano, e politiconan corupto tabata ‘cumpra’ voto o apoyo!

Pero, den e buki mas grandi di dignidad humano, no ta posible pone un prijs riba consenshi o deber, ni laga otronan hacie pa bo! E suerte di Aruba no por depende di un materialismo raso, o di un necesidad cu Gobierno a crea den Pueblo pa habri caminda pa e posibilidad di por cumpra cu un par di moneda, e futuro di nos isla.

Mi fe den e Pueblo di Aruba ta categorico! Mi no ta pretende cu no tin esnan cu ta dispuesto di negocia consenshi pa cent preto, pero mi ta sigur cu e mayoria absolute di nos hendenan ta digno, ta respeta nan mes, y kier, mescos cu mi, un futuro di berdad promisor pa tur nos descendientenan, algo imposible di logra cu e coruptonan actual den Gobierno. Ta imprescindible saca nan djey, si Aruba ta di conta cu un regeneracion politico, gubernamental y di honestidad.

- Advertisement -

3 COMMENTS

  1. No ta mundo ta caba dia 25 sino e FIESTA, e pida BOLO ku e MEPFRIENDS & MEPFAMILY ta bini ta disfrutando di dje ariba custia di PUEBLO …y no solamente di ARUBIANO nan biba na ARUBA si no di nos ARUBIANO nan pafor di ARUBA. Paso HOPI di nos kier bolbe nos isla bek pero ken kier bolbe bek ariba ARUBa ku un GOBIERNO asina BAHO, HIPOCRITA,EGOISTA,DEPLORABEL,FALSO,GAÑADO, y e parti ku mas ta duna hende asco ta ku nan ta IRRESPETUOSO !!!! Dia 25 nan lo ta AFO y sin PORDON !

DUNA COMENTARIO

Please enter your comment!
Please enter your name here