Home Politica Nel Oduber a perde strea di Nort ora di papia di Petro...

Nel Oduber a perde strea di Nort ora di papia di Petro China

6
0
SHARE
- Advertisement -

nelORANJESTAD (AAN): Ta parce cu berdad Nel Oduber a perde strea di Noord ora hende tende papia den e dianan aki. Valero a stop su actividad di refina petroleo na Aruba y a dicidi di bay for di nos isla. E motibonan a worde duna en detaye na gobierno y na e pueblo di Aruba. Valero a bay pasobra un proposicion cu Valero a haci na gobierno no a worde acepta cu a pone cu Valero no por a opera cu ganashi mas. Esaki a worde splica na Nel Oduber na Februari 2007.Valero a trece padilanti cu e peso di un BBO e presencia di Valero na Aruba lo worde termina. Nel Oduber a nenga rotundamente pa kita e BBO y awo Valero a bay. E proposicion di Valero tabata encera cu Valero lo paga por lo menos entre 40 pa 50 miyon Florin pa aña y lo inverti un biyon di Dollar pa modernisa nos refineria completamente.

Esaki a garantiza e estadia di Valero na Aruba pa hopi aña y a garantiza trabao pa miles di nos hendenan y un entrada fiho pa gobierno pa hopi aña.Valero ta pasado pa Aruba y kico nos ta mira? Nel Oduber ta anuncia cu e ta den negosacion cu Petro China y cu e ta spera cu e lo tin un acuerdo cu e compania aki dentro di un par di dia.

Esaki ta un otro fenomeno cu ta mustra cu Nel a perde strea di Noord pasobra di ningun manera e lo por cera un acuerdo riba e refineria faltando 3 siman pa eleccion. Petro China mester ta un compania serio y grandi.

Door di esaki e compania aki tambe sa cu ta imposibel pa cera un deal miyonario cu un gobierno cu ta baha dentro di tres siman. Tambe e compania aki por sa cu e ta mustra cu e gobierno aki no ta bay keda. Esey ta haci cu di ningun manera Petro China por firma un acuerdo cu Nel Oduber.

E unico motibo cu Nel ta canta e contrato cu Petro China ta pasobra e ta realiza cu su partido ta kibra. E mester di algo pa trata di tira santo den wowo di pueblo den e ultimo simannan cu tin prome cu eleccion. Petro China nunca por kere cu e ta bay firma un contrato cu un gobierno cu ta den bay. Nan tambe sa cu esaki lo encera cu ora e gobierno nobo sinta cu henter e contrato ta colga den laira.

E daño cu Nel Oduber a haci nos pueblo y nos pais durante e ultimo 8 añanan ta increblemente grandi y e ta sigui haci daño. Ta berdad cada biaha cu e reacciona manera e ta reaccionando awo e ta confirma cu e a perde control ariba su celebro. E storia di Petro China ta un otro ehempel.

- Advertisement -

DUNA COMENTARIO

Please enter your comment!
Please enter your name here