Eleccion a pasa y kico mi ta scuchando? “Cumpli awor!”.
Mi no ta laga e “cumpli awor!” molestia mi cerebro, mi ta djis ignora esaki.
Nan lo bisami cu politiconan ta gaña y mi lo contesta cu ta parti di e “wega” cu yama “campaña y eleccion”.
Mi sa ora un politico ta gaña asina cu mi mira su lipnan ta move.
Mi ta sigui e propaganda politico y ora e politico papia, e ta trata di cubri su mentira cu otro mentira.
ORANJESTAD(AAN) — Riba e caminda di cruzada di Mahuma pa Sta. Marta, ayera anochi mas o menos 10 pa 10 un auto a dal un homber cu tabata bao di influencia di bebiba. Den e caso aki mester menciona cu un rato prome polis a haya un pickup staciona canto di caminda cu 3 homber bao di nan awa den dje.Polis mes a yuda pa touw e pickup hibe na un cas den cercania unda un di nan lo ta biba.
ORANJESTAD(AAN)—Despues di eleccion, Aruba tabata testigo di e berdadero Nel Oduber. Un persona cu por total a perde su rasonamento, pero loke hopi no ta realisa, ta cu Nel Oduber tabata tin un plan pa MEP for di basta tempo caba. For di informantenan confiabel, nos tan a altura cu Nel Oduber a cuminsa for den 2008 caba cu un plan pa e por keda lider, maske MEP sufri un derota. For di mitar di aña 2008 e lider di Nel a haya e informacion of a realisa cu e lo perde e eleccion di un forma abrumador.
Diaranzon 28 di october pueblo di Aruba lo haya un Gobierno nobo bao signatura di partido AVP
Den Sala di Conseho di Minister lo sinta pa forma un gobierno nobo!
ORANJESTAD (AAN): Ayeratardi, pa 2’or Mike Eman, den su posicion di lider di e partido cu a haya mayoria den eleccion, a reuni cu Gobernador di Aruba Sr. Freddis Refunjol esaki den cuadro di formacion di un gobierno nobo.Na salida di e reunion aki, cu a dura mas cu un ora y mey, DIARIO a puntra Sr. Eman, con e reunion aki a bay.
Pa votacion den futuro
ORANJESTAD (AAN) — Señor mr. Hubert Maduro, presidente di Conseho Electoral, a bisa den entrevista cu DIARIO, cu e ta haya cu tin cosnan den e sistema di votacion di Aruba, cu mester worde cambia.“Un cos cu nos a siña ta cu e votamento di personanan cu ta preso, manera cu Aruba ta haci den oranan di merdia, ta haci e funcionamento di e stemburo pa presonan, masha dificil. Mester bin un otro solucion, sea cu ta bin un stemburo di berdad den e lugar unda e hendenan ta worde cera, of nos ta bay vota totalmente electronico”,
Nel ta haci su mes ridiculo den conferencia..
ORANJESTAD(AAN):— Hopi ridiculo y falta di madurez ta loke e lidercito politico Nel Oduber a demostra durante e conferencia di prensa cu el a yama dialuna mainta.Ainda e no por bin na tino despues di e golpi fuerte cu el a haya.Si e sigui cu e forma infantil aki e lo keda pega cu su partido tambe. Segun Nel e lo kita BBO pasobra pesey el a perde eleccion.Bo ta hopi lat Nel pasobra si bo a bisa e pueblo prome cu eleccion di 2005 cu bo lo introduci BBO desde 2005 bo lo a bai cas caba.
Asina mes bo a claba e BBO sin bisa nan di esaki.
Rond di Eleccion y Parada
ORANJESTAD(AAN): Cuerpo Policial tin e trabao di mantene orden y seguridad pa pueblo di Aruba y Diabierna en especial nan mester tabata hopi atento, manera semper ta e caso ora cu tin eleccion.DIARIO a entrevista Alto Comisario Peter de Witte Diadomingo, pa haya sa con a bay cu trabao di polis durante dia di eleccion Diabierna y durante e parada di victoria di AVP Diadomingo.Segun de Witte, polis tabata tin un fin di siman hopi ocupa cuminzando Diabierna, unda cu polis for di mainta trempan tabata activo, te cu anochi laat.
ORANJESTAD.(AAN): — Hasta mandamento di mensahe pa otro relaciona cu politica, polis a wordo involvi pa atende un asistencia solicita.Diadomingo anochi, un ciudadano biba na Paradera a pidi presencia di polis.Patruya di Santa Cruz cu a presenta na e cas a atende e mucha homber di inicialnan G.A.C. cu tin 22 aña.E hoben a cuminsa splica polisnan cu e ta riba internet den e sistema di “Facebook” y ta haya mensahe di un mucha muher di inicialnan A.C.. di 21 aña relaciona cu politica.
ORANJESTAD.(AAN):— Ta parce cu chollernan tabata masha activo mes y nan a probecha di kibra drenta den auto staciona den area di Oranjestad.Un otro caso relaciona cu ladronicia den auto a wordo reporta na central di polis.Segun e informe cu a drenta na central di polis, den West straat na haltura di Bahia e caso a tuma lugar.Patruya cu a bay na e sitio a atende e caso.
Tabata tin testigo cu a declara, di a wak un homber chikito color cla, bisti cu jeans short, zonnebril, zapato preto y e tipo tabata lomba sunu.
Peticion a ser haci na Gobernador pa un reunion cu gobierno di mep durante proceso di transicion
ORANJESTAD (AAN): Durante entrevista cu proximo Prome Minister di Aruba, Sr. Mike Eman, ayera despues di e reunion cu Gobernador Freddis Refunjol, el a duna di conoce cu pa ley ta regla cu un gobierno cu ta sinta tin 30 dia despues di eleccion pa e keda sinta pa termina cierto asuntonan.Pesey aunke Gobierno di AVP a haya mayoria y no tin cu forma un coalicion cu otro partido, e proceso no por worde acelera pa loke ta formacion di un gobierno nobo.
ORANJESTAD(AAN)—Brazil Taekwondo Dojang ta organisa un anochi di bataya y show.
E campeonato aki ta tuma lugar dia 3 di oktober 2009 y ta cuminsa pa 7:00pm den sala di gymnacio na Playa, den cura di Colegio Arubano.Esaki ta bira un campeonato caminda e mihor infantilnan, juniors y seniors di Aruba ta topa paisnan invita manera Miami, Surinam, Curacao, Venezuela y Hulanda. Esaki ta un campeonato di no mas cu 30 pelea pero di calidad halto cu lo yena e publico cu emocion ora nan mira combate tras di otro riba un bon nivel cu bunita technicanan di Taekwondo.
ORANJESTAD(AAN)—Despues di hopi preparacion tur cos kedando cla pa e gran competencia di avionnan remote control aya na Golfweg Sanicolaas riba dianan 2, 3 y 4 di Oktober. Corsow confirmando su participacion cu varios avion y tambe Aruba bon prepara cu diferente avionnan pa e competencia Fun-fly.Diabierna pa promer biaha na Aruba cu lo bay bula algun di e avionnan aki den oranan di anochi, caminda cu lo pone lus riba e avionnan aki. Esaki sigur lo bira un expectaculo den oranan di anochi.
Diasabra a cumpli aña e mama mas sweet y lief ISABEL CROES Mami bms bo ta haja pabien di bo casa cu stimabo mundo John Croes bo yiunan Johana, Jennety y alfan famia thode y e yiu di mas stima (haha joke) Jennifer y gadiel gibbs-croes mandando bo hopi amor for di hulanda, tambe di bo nietanan naigelaine y naigelienne y bo nieto prins di cas Johniel cu ta stima oma hopi.. mami pasa dushi cumpleanos aya na aruba y nos lo topa otro aña vakantiya love you allot muaahhx te oro no!, groetjes awor!
ORANJESTAD (AAN): Maya van Veldhuizen a resulta di ta e felis ganadora di e 4 ticketnan pa Orlando pe y su famia. E premio ta inclui tambe entrada pa Walt Disney World y estadia den un hotel pa un siman. Den Juni di e aña aki Señora Veldhuizen a participa den e campaña ‘Ban Ban Pasa un rondu cu RSA’, caminda e compania di aseguro mas bieu na mundo a ofrece seguro di cas y contenido, cu e chance pa gana 4 ticket pa Orlando.
