Home Social Participantenan official di Hand-A-Thon South Beach Challenge preparando

Participantenan official di Hand-A-Thon South Beach Challenge preparando

8
0
SHARE
- Advertisement -

handathon_ (1)ORANJESTAD (AAN): Nan ta preparando! E biaha aki, tur mester ta fit! Pesey nan a haya curso di come saludabel di Rene Wild y Zumba di Michelle Harms de Groot.
Esey a socede na Divi Phoenix e participantenan di Hand A Thon a cumpli cu nan prome actividad di cual tabata un interesante seminario di come saludabel cu Rene Wild , cu a duna e participantenan tipnan masha valioso di kico y con pa come , y tambe a contesta un sin di pregunta cu e participantenan tabata tin.

Despues di e informacionnan interesante aki Michelle Harms-de Groot a duna e participantenan un ora di Zumba, unda nan a pasa masha pret mes bailando y haciendo movimentonan pa los e musculonan.

E tabata un ambiente bon, y e participantenan a laga sa cu nan a keda masha contento cu e les aki di Michelle y a consehonan di Rene. Magic Fm kier a duna un danki special na Señora Astrid Muller di Divi Phoenix, na Wendy Lacle y Rene Wild , na Milouska Ridderstap , Michelle Harms de Groot , Maiky Wernet y na tur esnan cu ta haci Hand-A-Thon posibel.

Diasabra awor e participantenan lo haya un ora di Thai Chi Goen, sigui pa mei ora di meditacion duna pa Belquis Monroe riba e beach di Divi Phoenix.
E countdown ta sigui pa dia 29 di October Hand A Thon 2009 , The South Beach Challenge!

- Advertisement -

DUNA COMENTARIO

Please enter your comment!
Please enter your name here