Home Politica Partido AVP cu Mike Eman na cabes ta cla pa e reto

Partido AVP cu Mike Eman na cabes ta cla pa e reto

2
0
SHARE
- Advertisement -

Lo rescata Aruba di e Crisis Social-Economico-Financiero
ORANJESTAD (AAN): Falta menos di tres siman pa eleccion y partido AVP ta masha bon prepara mes pa trece e cambio anhela. Unda cu bo bira, ta berde so bo ta mira y un grupo grandi di hende entusiasma cu ta sostene e partido berde y su lider carismatico y bon prepara pa tuma rienda di e pais aki. Un pais cu no por wanta un gobernacion di 4 aña di MEP mas.


Esaki lo ta e golpi mortal pa Aruba ya cu ta solamente un grupo privilegia di “Family and Friends” lo sigui gosa y bira mas rico, mientras cu e pueblo ta sufri y pobreza ta bati na porta di hopi hende. Aruba ta den un situacion di crisis cu ta menaza nos bida diario.

E situacion aki no por sigui mas y e cambio tan desea ta na caminda. Partido AVP hunto cu expertonan a traha riba un plan di gobernacion y e puntonan mas importante con ataca e crisis social-economico-financiero y rescata e isla aki ta lo siguiente.

Rescata Aruba di e crisis social-economico-financiero: E meta di partido AVP ta pa saca Aruba rapidamente for di e crisis ya menciona. Tambe lo bin cu un base solido pa oportunidadnan nobo pa un crecemento social-economico duradero.

Reforsa economia y pone base pa desaroyo nobo: Renoba e relacion cu partnernan economico importante pa Aruba manera Valero, KLM, American Airlines, Carnival cruises y companianan existente di Hotel. Mehora e servicio den sector di turismo pa mehora e experiencia di turistanan na Aruba:

(*) Halsa profesionalismo den servicio cu training permanente. (*) Inverti pa haci Aruba limpi. (*) Inverti pa haci Aruba sigur atrobe. (*) Aumenta e promocion di Aruba den mercadonan existente y nobo. (*) Haci inversionnan den infrastructura pa mehora e producto ‘Aruba’.

(*) Duna prioridad na inversionnan pa mehora y diversifica economia. (*) Usa instrumentonan fiscal pa stimula inversionnan den actividadnan economico nobo. (*) Inicia programanan di enseñansa pa sigura empleo di nos hendenan den actividadnan economico nobo.

Baha gastonan di operacion di gobierno mes ora: (*) Stop tur gasto cu no ta absolutamente necesario. (*) Evalua y ehecuta e ‘Kerntaken Analyse’ di aparato di gobierno. (*) Stop nombramento di personal . Ehecuta proposicionnan di raport CALIDAD.

Stop contractnan innecesario of cu ta contra di interes publico. Elimina e fayo di financiamento den presupuesto anual di gobierno. Fiha prioridadnan specifico pa cada ministerio.

MEHORA PODER DI COMPRA: E meta ta pa implementa un pakete di iniciativanan legal, financiero, fiscal y economico cu lo yuda baha e costo di bida pa tur hende y costo di maneho di compania na Aruba.
Elimina BBO den fase, cuminsando 1 januari 2010.

Tene impuesto riba salario na e nivel reduci di prome di januari 2009.
Evalua otro medidanan cu gobierno a tuma den ultimo ocho aña cu a causa aumento di costo di bida.

Intensiva control di prijs den supermercado y tiendanan. Specialmente riba productonan di prome necesidad.

Stimula e desaroyo di energia alternativo pa yega na 40 % di nos necesidad di energia y stimula e uso di energia alternativo pa baha e dependencia di petroleo y e peso di ‘brandstof clausule’.

YUDA FAMIANAN DEN MAS NECESIDAD
E meta ta pa sigura cu esnan den mas necesidad na Aruba y cu no tin otro forma pa yega na mas of miho entrada, un entrada mensual cu por sigura e necesidadnan basico di un famia.

 (*) Aumenta ‘onderstand’ cu 50%. (*) Introduci un ayudo financiero di 100 Florin pa luna, ariba e aumento di ‘onderstand’ pa muchanan cu ta bay school. Introduci un ‘plan di vivienda’ pa esanan cu entradanan mas abou por cumpra of huur cas di FCCA.

Introduci un woningtoeslag y energietoeslag pa yuda den gastonan di cas.
E programa di partido AVP ta encera tambe enseñansa, salubridad, cultura, seguridad, infrastructura y hopi otro punto importante mas. Den e dianan nos dilanti e otro puntonan di prioridadnan aki tambe lo worde publica pa asina pueblo por lesa nan. Keda pendiente. AVP tey y berde ta di mes!

- Advertisement -

DUNA COMENTARIO

Please enter your comment!
Please enter your name here