Home Deporte PIUS X School Campeon di Trefbal Escolar categoria A mucha muher

PIUS X School Campeon di Trefbal Escolar categoria A mucha muher

3
0
SHARE
- Advertisement -

compeescolar1ORANJESTAD (AAN)— E prome competencia di deporte escolar pa aña 2009-2010 a yega su final despues di weganan sumamente interesante di trefbal. IDEFRE a organisa y coordina e competencia escolar cu a conta cu participacion di gran mayoria di school basico, cu a keda parti den 6 poule. Weganan di Trefbal a inicia den Compleho Deportivo Frans Figaroa na Noord y na Centro Deportivo Betico Croes na Santa Cruz. Mientras cu pa clasificacion final, tur wega a tuma lugar den Centro Deportivo Betico Croes na Santa Cruz y tabata parti den poule E y poule F.

Poule E
Poule E a consisti di Mon Plaisir School, Sint Dominicus College, Colegio Sagrado Curason y Colegio San Hose.

E prome wega a bay entre Mon Plaisir School y Sint Dominicus College, cu a termina cu e score di 4 pa 12 na fabor di Sint Dominicus College. Den otro wega a hunga Colegio Sagrado Curason y Colegio San Hose, cual wega a finalisa cu e score di 24 pa 0 na fabor di Colegio Sagrado Curason.

Poule F
Poule F a consisti di Colegio Laura Wernet Paskel, Pius X School, Maria School y Colegio Conrado Coronel. E prome wega di poule F a bay entre Colegio Laura Wernet Paskel y Pius X School, cu tabata un wega hopi interesante y a finalisa cu e score di 17 pa 8 na fabor di Pius X School. E di dos wega tabata entre Maria School y Colegio Conrado Coronel, cu a finalisa cu e score di 14 pa 11 na fabor di Maria School.

School Ganador ta avansa
Ganadornan di poule E, a pasa pa hunga contra ganadornan di poule F pa mira cua school ta pasa pa final. Aki, Sint Dominicus College ta enfrenta Pius X School. Y den un wega di trefbal sumamente interesante, Pius X School ta logra avansa y ta gana for di Sint Dominicus College cu e score final di 16 pa 5 y ta sigura nan clasificacion pa e wega final.

Den otro encuentro di trefbal ta hunga Colegio Sagrado Curason contra di Maria School, cual wega ta finalisa cu e score di 17 pa 6 na fabor di Colegio Sagrado Curason cu tambe ta clasifica pa final.

Di tres y di cuater lugar
E schoolnan cu a enfrenta otro pa e di tres y di cuater lugar a bira Sint Dominicus College y Maria School. E wega aki a termina cu score di 12 pa 5 na fabor di Sint Dominicus College cu ta finalisa e torneo di trefbal escolar 2009-2010 como e school clasifica na di tres lugar, mientras cu Maria School ta keda na di cuater lugar.

Campeon di Trefbal Categoria-A mucha muher
E wega pa campeon a bay entre Pius X School y Colegio Sagrado Curason, cu tabata un wega sigur interesante di comienso te final. E score a finalisa 13 pa 2 na fabor di Pius X School di Dakota cu asina ta bira Campeon di Trefbal Escolar categoria-A mucha muher.

Despues di e wega final a entrega trofeo na e di dos lugar Pius X School y finalmente na e ganador absoluto di Trefbal Escolar categoria-A, cu a bira Colegio Sagrado Curason.

IDEFRE ta felicita tur school cu a participa, tur maestro cu a compaña y guia nan alumno durante e competencia di trefbal escolar 2009-2010, alumnonan, mayor y publico cu a acudi pa apoya nos hobennan den nan weganan di trefbal. E invitacion ta keda na tur school pa cuminsa inscribi pa siguiente competencia escolar cu ta den e deporte di volleyball.

- Advertisement -

DUNA COMENTARIO

Please enter your comment!
Please enter your name here