Home Social Salsa4Kids a cuminsa cu hopi swing…..

Salsa4Kids a cuminsa cu hopi swing…..

2
0
SHARE
- Advertisement -

IMG_8706ORANJESTAD (AAN): Diasabra pasa e curso nobo di ArubaSalsa pa mucha entre 7 cu 12 aña, esta e Salsa4Kids a cuminsa. E concepto nobo di e school di baile a worde accepta cu hopi entusiasmo door di mama, tata y muchanan na Aruba como cu e curso tabata ful ful basta dia caba prome cu e a cuminsa. Mas cu 30 mucha tabata cla pa cuminsa cu nan prome les di baile cu a worde duna door di Reggie cu Sabine y tres otro asistentenan.

E muchanan tabata un tiki nervioso pa e prome les pero despues di a sera conosi cu e otro muchanan y e instructornan nan tabata ful cla pa siña nan prome pasonan di salsa. Nan a capta tur cos liher y a haci tur cos hopi bon. Tambe mester remarca cu nan tabata entusiasma y tabata pasa pret den e les. Despues di un wega leuk tabata e momento pa baila merengue y e les a worde termina cu un cooling down y stretching.IMG_8713

E curso pa mucha ta consisti di 8 les di 1 ora na unda cu nan ta siña baila Salsa y Merengue na un manera leuk y sin presion. Lesnan di baile tin un efecto positivo riba e desaroyo di muchanan. E ta un interaction social, nan ta move nan curpa y e ta stimula e coordination di nan curpa y mente. Na e momento aki ArubaSalsa tin un wachtlijst basta largo caba pa e siguiente curso pa mucha cu lo cuminsa dentro di algun siman. Ainda ta posibel pa inscribi bo yiu pa e tambe bin siña baila salsa y merengue cu e mihor instructornan di Aruba.

IMG_8717Pa inscribi pa e Salsa4Kids por yama 585-7939 of 594-7008. Tambe por manda un e-mail na reggie@arubasalsa.com. Tur informacion tocante curso, prijs y lugarnan por worde haya riba e website di ArubaSalsa esta www.ArubaSalsa.com/local como tambe riba front page di DIARIO. Tambe bo por agrega ArubaSalsa riba Facebook.

- Advertisement -

DUNA COMENTARIO

Please enter your comment!
Please enter your name here